Ayodhya Ram Mandir Guest List : జనవరి 22న ఉత్తర్ప్రదేశ్లోని అయోధ్యలో రామ్లల్లా ప్రాణప్రతిష్ఠ జరగనుంది. ఈ మహాత్సవానికి ఇప్పటికే సినీ, రాజకీయ ప్రముఖులకు ఆహ్వానం అందింది. తాజాగా రామమందిర వివాదంపై తీర్పు ఇచ్చిన అప్పటి సీజేఐ సహా ఐదుగురు సుప్రీంకోర్టు న్యాయమూర్తులను రామమందిరం ప్రారంభోత్సవానికి ఆహ్వానించింది రామజన్మభూమి తీర్థక్షేత్ర ట్రస్ట్.
వ్యాపారవేత్త ముకేశ్ అంబానీ, అయన కుటుంబ సభ్యులు, ఆదిత్య బిర్లా గ్రూప్ ఛైర్పర్సన్ కుమార్ మంగళం బిర్లా, ఆయన భార్య, పిరమల్ గ్రూప్ ఛైర్పర్సన్ అజయ్ పిరమల్, మహీంద్రా అండ్ మహీంద్రా ఛైర్మన్ ఆనంద్ మహీంద్రా, టీసీఎస్ సీఈఓ కృతివాసన్ను రామాలయ ప్రారంభోత్సవానికి ఆహ్వానించింది రామజన్మభూమి తీర్థక్షేత్ర ట్రస్ట్. బాలీవుడ్ బిగ్బీ అమితాబ్ బచ్చన్ సహా దేశంలోని ప్రముఖ క్రీడాకారులు, రాజకీయ ప్రముఖులు, దౌత్యవేత్తలు సహా దాదాపు 8వేల మందిని ఆహ్వానించింది.
బాలీవుడ్ బిగ్బీ అమితాబ్ బచ్చన్ 161 అడుగుల ఎత్తైన ఇసుక రాయితో ప్రైవేట్ ఛార్టర్ట్ విమానంలో రామ్లల్లా ప్రాణప్రతిష్ఠకు వెళ్లనున్నట్లు తెలుస్తోంది. జనవరి 22న అయోధ్యకు ప్రైవేట్ జెట్‌లలో కొందరు అతిథులు వెళ్లనున్నారు. మరికొందరు ఒక రోజు ముందుగానే విమానాల్లో అయోధ్య, లఖ్నవూ చేరుకుని అక్కడ బస చేస్తారు. రామాలయ ప్రాణప్రతిష్ఠకు ఆహ్వానం పొందిన ప్రముఖులు:
వ్యాపారవేత్తలకు ఆహ్వానం
- 1. కె సతీష్ రెడ్డి(డాక్టర్ రెడ్డీస్ ఫార్మాస్యూటికల్స్‌)
- 2. పునీత్ గోయెంకా (జీ ఎంటర్‌టైన్‌మెంట్ ఎంటర్‌ప్రైజెస్ సీఈఓ)
- 3. ఎస్‌ఎన్ సుబ్రహ్మణ్యన్ (ఎల్‌అండ్‌టీ సిఈఓ)
- 4. మురళీ దివి( దివీస్ లేబొరేటరీస్‌)
- 5. నారాయణ మూర్తి(ఇన్ఫోసిస్ వ్యవస్థాపకుడు)
- 6. నవీన్ జిందాల్( వ్యాపారవేత్త)
సినీ ప్రముఖులకు ఆహ్వానం
- 1. మెగాస్టార్ చిరంజీవి(టాలీవుడ్ హీరో)
- 2. అల్లు అర్జున్(టాలీవుడ్ హీరో)
- 3.అజయ్ దేవగణ్(బాలీవుడ్ హీరో)
- 4. అక్షయ్ కుమార్(బాలీవుడ్ హీరో)
- 5. అనుపమ్ ఖేర్(బాలీవుడ్ నటుడు)
- 6.మోహన్లాల్(మలయాళ నటుడు)
- 7. అమ్జద్ అలీ(సంగీత కళాకారుడు)
- 8. మనోజ్ ముంతాషీర్(రచయిత)
- 9. ప్రసూన్ జోషి(రచయిత)
- 10. సంజయ్ భన్సాలీ(దర్శకుడు)
- 11. చంద్రప్రకాశ్ ద్వివేది(దర్శకుడు)
మాజీ స్పీకర్కు ఆహ్వానం
- మీరా కుమార్(లోక్‌సభ మాజీ స్పీకర్)
- మాంటెక్ సింగ్ అహ్లూవాలియా(ప్రణాళికా సంఘం మాజీ డిప్యూటీ చైర్మన్)
- అమితాబ్ కాంత్(భారత జీ20 షెర్పా)
- అమర్ సిన్హా( మాజీ దౌత్యవేత్త)
- కెకె వేణుగోపాల్( మాజీ అటార్నీ జనరల్‌)
- ముకుల్ రోహత్గి( మాజీ అటార్నీ జనరల్‌)
- మిథాలీ రాజ్‌(భారత మహిళా క్రికెట్ జట్టు మాజీ కెప్టెన్)
