పింఛన్‌ నిలిపివేయడంతో.. సచివాలయ సిబ్బందిని బంధించిన గ్రామస్తులు

శ్రీకాకుళం జిల్లా లక్ష్మీనర్సుపేట మండలం బొర్రంపేటకు చెందిన నలుగురు వృద్ధులకు పింఛన్‌ నిలిపివేయడంతో గ్రామస్థులు.. సచివాలయ సిబ్బందితో వాగ్వాదానికి దిగారు. ఎంపీడీవో కాళీ ప్రసాద్‌తో ఆదేశాలతో ఆపివేసినట్లు సిబ్బంది తెలపగా, అతను వచ్చేంత వరకు ఎవ్వరినీ బయటకు పోనీయమని.. సచివాలయంలోనే వారిని నిర్బంధించారు. విషయం తెలుకున్న ఎంపీడీవో సచివాలయానికి రావడంతో ముందస్తు సమాచారంలేకుండా ఏ కారణంతో నిలిపివేశారని.. ఆయనతో గ్రామస్తులు వాగ్వాదానికి దిగారు. 4 పెన్షన్లపై ఫిర్యాదు అందిన నేపథ్యంలో నిలుపుదల చేస్తున్నట్లు ఎంపీడీవో తెలిపారు. ఎప్పటి నుంచో వస్తున్న వారికి ఇప్పుడెలా ఆపేస్తారని... ప్రశ్నించగా చేసేదేమిలేక వారికి పెన్షన్ ఇవ్వడంతో తగాద సద్దుమణిగింది.