కర్నూలు జిల్లా నంద్యాలలో నీటి కాలువలో పడి రెండేళ్ల బాలుడు మృతి చెందిన ఘటన స్థానికులను కలచివేసింది. నంద్యాల పట్టణంలో మహమ్మద్‌ ఇస్మాయిల్(2) అనే రెండేళ్ల బాలుడు శుక్రవారం నీటి కాల్వలో పడి మృతి చెందారు. నంద్యాల మండలం కానాలకు చెందిన మౌలాలి, భాను దంపతులు విజయ డెయిరీ సమీపంలో నివాసముంటున్నారు. శుక్రవారం తల్లి భాను ఇంటిపైకి వెళ్లి దుస్తులు ఆరబెడుతున్నారు. ఈ సమయంలో రెండేళ్ల కుమారుడు ఇస్మాయిల్ ఇంటి ముందు ఆడుకుంటూ పక్కనే ఉన్నకాలువలో పడిపోయాడు. ఇంట్లో బాలుడు కనిపించకపోవడంతో బయటికి వచ్చి చూడగా బాబు కాల్వలో పడినట్లు గుర్తించారు. వెంటనే నంద్యాల ప్రభుత్వ ఆసుపత్రికి తరలించగా వైద్యులు పరీక్షించి అప్పటికే మృతి చెందినట్లు చెప్పారు. తాలూకా సీఐ మురళీమోహనరావు కేసు నమోదు చేసి దర్యాప్తు చేస్తున్నట్లు తెలిపారు.
ఇదీ చదవండి:
Video Call: తనను తీసుకెళ్లడం లేదని... భర్తకు వీడియో కాల్‌ చేసి..
