'రాధేశ్యామ్' ప్రమోషన్స్.. ప్రభాస్-పూజాహెగ్డే కలిసి..

Radhe shyam movie: దేశవ్యాప్తంగా ప్రమోషన్స్​కు 'రాధేశ్యామ్' సిద్ధమైంది. ఈ క్రమంలో ఇంటర్వ్యూలు, ప్రెస్​మీట్లతో హోరెత్తించేందుకు రెడీ అవుతోంది. మార్చి 11న ఈ సినిమా పాన్ ఇండియా స్థాయిలో రిలీజ్ కానుంది.

Prabhas radhe shyam: డార్లింగ్ ఫ్యాన్స్ ఎన్నాళ్లో నుంచి ఎదురుచూస్తున్న సినిమా 'రాధేశ్యామ్'. మరికొన్ని రోజుల్లో అంటే మార్చి 11న రిలీజ్ కానుంది. ఈ సందర్భంగా ప్రమోషన్స్​కు సిద్ధమవుతుంది చిత్రబృందం. హీరోహీరోయిన్ ప్రభాస్, పూజా హెగ్డే.. దేశంలో పలు నగరాలు చుట్టేసి, పలు ఈవెంట్స్​లో పాల్గొని సందడి చేయనున్నారు.

పాన్ ఇండియా స్థాయిలో ఈ సినిమా రిలీజ్​ కానుంది. ఈ క్రమంలోనే దక్షిణాదిలో హైదరాబాద్​, చెన్నై, కొచి, బెంగళూరుతోపాటు హిందీ ప్రేక్షకుల్ని కవర్​ చేసేందుకు ముంబయిలో 'రాధేశ్యామ్' ప్రమోషన్స్​ నిర్వహించనున్నారు. ఇందులో భాగంగా పలు ఇంటర్వ్యూలు, నేషనల్ మీడియాతో ప్రెస్​మీట్లతో హైప్​ పెంచనున్నట్లు తెలుస్తోంది.

• " class="align-text-top noRightClick twitterSection" data="">

ఈ సినిమా హిందీ వెర్షన్​కు బాలీవుడ్​ మెగాస్టార్ బిగ్​బీ అమితాబ్​ బచ్చన్ వాయిస్ ఓవర్​ అందించనున్నారు. తెలుగులో మహేశ్​బాబు వాయిస్ ఓవర్​ ఉంటుందని వార్తలు వస్తున్నాయి. కానీ దానిని చిత్రబృందం ధ్రువీకరించాల్సి ఉంది.

1970ల యూరప్​ నేపథ్యంగా ఈ సినిమా తీశారు. ప్రేమకథగా తెరకెక్కిన ఈ చిత్రంలో ప్రభాస్, విక్రమాదిత్య అనే పామిస్ట్​గా.. పూజాహెగ్డే, ప్రేరణ అనే డాక్టర్​గా నటించారు. జస్టిన్ ప్రభాకరన్ దక్షిణాదిలో పాటలు అందించగా, తమన్ బ్యాక్​గ్రౌండ్​ మ్యూజిక్ ఇచ్చారు. రాధాకృష్ణ కుమర్ దర్శకత్వం వహించారు. యూవీ క్రియేషన్స్, గోపీకృష్ణ మూవీస్ సంయుక్తంగా నిర్మించాయి.

• " class="align-text-top noRightClick twitterSection" data="">

ఇవీ చదవండి:

• 'రాధేశ్యామ్'​ రొమాంటిక్​ ట్రీట్​.. విజువల్​ వండర్​గా 'ఈ రాతలే..'