Pawan kalyan ustaad bhagat singh : పవర్ స్టార్ పవన్ కళ్యాణ్ రీసెంట్గా 'బ్రో' చిత్రంతో ఆడియెన్స్ ముందుకు వచ్చిన సంగతి తెలిసిందే. మౌత్ టాక్ గురించి పక్కనపెడితే సినిమా మాత్రం బాక్సాఫీస్ వద్ద మంచి వసూళ్లనే అందుకుంది. అయితే ఇప్పుడు పవన్ 'ఉస్తాద్ భగత్ సింగ్' వచ్చే సంక్రాంతి బరిలోకి దిగనుందన్న వార్త జోరుగా ప్రచారం సాగుతున్న సంగతి తెలిసిందే. ఆగిపోయిందనుకున్న ఈ చిత్రాన్ని మళ్లీ షురూ చేసి ఈ ఏడాదే పూర్తి చేయాలని నిర్ణయించుకున్నట్లు తెలిసింది.
Pawan kalyan og movie release date : అయితే దీంతో పాటే ఇప్పుడు పవన్ 'OG' రిలీజ్ డేట్ గురించి కూడా వార్తలు వస్తున్నాయి. ఈ చిత్రం ఇప్పటికే సగానికి వరకు షూటింగ్ను పూర్తి చేసుకుంది. ఈ చిత్రాన్ని ఉస్తాద్ కన్నా ముందే థియేటర్లలోకి తీసుకురావాలని ప్రయత్నిస్తున్నారుట. దీనికి కూడా పవన్ డేట్స్ ఇచ్చారని తెలిసింది. గతంలో ప్రచారం ఉన్న ఈ ఏడాది డిసెంబర్ నెలకే చిత్రాన్ని విడుదల చేయాలని మూవీమేకర్స్ సన్నాహాలు చేస్తున్నారట.
ఒకవేళ ఈ రెండు సినిమాలు అనుకున్న సమయానికి రెడీ అయితే.. రెండు నెలల గ్యాప్లో థియేటర్లలో సందడి చేస్తాయి. ఇక ఇది తెలుసుకుంటున్న సినీ ప్రియులు.. అసలు ఇది సాధ్యమవుతుందా.. ఐదు నెలల్లో రెండు సినిమాల షూటింగ్ ఎలా పూర్తవుతాయి? అంత తక్కువ వ్యవధిలో రెండు చిత్రాలు రిలీజ్కు ఎలా సాధ్యం? అంటూ తెగ చర్చించుకుంటున్నారు. ఇది సాధ్యమయ్యే పని కాదంటూ అభిప్రాయాలు వ్యక్తం చేస్తున్నారు. చూడాలి మరి పవన్ తనకున్న పాలిటిక్స్ బిజీ షెడ్యూల్లో ఏ సినిమాను త్వరగా పూర్తి చేస్తారో? ఏ సినిమాకు ఎక్కువ డేట్స్ ఇస్తారో? అనేది.
ఇకపోతే ఉస్తాద్ భగత్ సింగ్ విషయానికొస్తే.. పవన్ - హరీశ్‌శంకర్‌ కాంబోలో గతంలో వచ్చిన 'గబ్బర్‌ సింగ్'కు సీక్వెల్గా ఇది రాబోతుంది. సుమారు 11 ఏళ్ల తర్వాత ఈ కాంబినేషన్ కలిసి పనిచేయడంతో 'ఉస్తాద్ భగత్ సింగ్'పై అంచనాలు ఉన్నాయి. శ్రీలీల హీరోయిన్గా నటిస్తోంది. ఇప్పటికే రిలీజైన ఈ సినిమా ఫస్ట్‌ గింప్స్‌ కూడా ఆకట్టుకుంది. OG సినిమా విషయానికొస్తే.. 'సాహో'ఫేం సుజీత్‌ దర్శకుడిగా వ్యవహరిస్తున్నారు. పవన్ సరసన నటి ప్రియాంక అరుళ్‌ మోహన్‌ నటించనుంది. గ్యాంగ్ స్టార్ నేపథ్యంలో ముంబయి బ్యాక్ డ్రాప్లో ఈ సినిమా రూపొందుతోంది.
ఇదీ చూడండి :
Trivikram pawankalyan : త్రివిక్రమ్కు పవన్ కల్యాణ్ ఎదురెళ్లి పోటీపడతారా?
