April 2024 Tollywood Movies : వరుస సినిమాలతో సందడి చేస్తున్న టాలీవుడ్ స్టార్ హీరోలు వచ్చే ఏడాది కూడా తమ చిత్రాలతో ప్రేక్షకులను పలకరించేందుకు రెడీగా ఉన్నారు. దీంతో వచ్చే ఏడాది విడుదల కోసం ఇప్పటి నుంచి ఇండస్ట్రీలో పోటీ వాతావరణం నెలకొంది. మూవీ మేకర్స్ సైతం గ్యాప్ లేకుండా ఆయా సినిమాల షూటింగ్లు పూర్తి చేస్తూ వీలైనంత త్వరగా వాటిని థియేటర్లలో విడుదల చేసేందుకు సన్నాహాలు చేస్తున్నారు. హీరోలు కూడా తమ కాల్షీట్లను నింపుకుంటూ సినిమాల చిత్రీకరణలో బిజీ బిజీగా ఉంటున్నారు.
ఒకప్పటి కాలంలో సినిమా మెత్తం రెడీ అయ్యాకనే రిలీజ్ డేట్ను ఖరారు చేసి ఆడియెన్స్కు తెలిపేవారు. ఒక్కోసారి షూటింగ్ మధ్యలో ఉన్నప్పుడే చెప్పినప్పటికీ.. ఆయా సినిమాల షెడ్యూళ్లలో మార్పులు జరిగితే.. ఇక సినిమా రిలీజ్ కూడా వాయిదా పడేవి. ప్రస్తుతం ఆ పరిస్థితి లేదు. ఇండస్ట్రీలో పోటీ వాతావరణం ఎక్కువ అయిపోతుంది. పైగా ఇప్పుడు ఎక్కడ చూసినా పాన్ ఇండియా మేనియా నడుస్తోంది. ఇతర భాషా చిత్రాలు కూడా తెలుగులో బ్లాక్బస్టర్ టాక్ సొంతం చేసుకుంటూ బాక్సాఫీస్ను షేక్ చేస్తున్నాయి. ఇక మన సినిమాలు కూడా పాన్ఇండియా లెవెల్లో రిలీజై సత్తా చాటుతున్నాయి. దీంతో ఇటువంటి అంశాలపై దృష్టి సారిస్తున్న మేకర్స్.. తమ సినిమాల విడుదల విషయంలో తగు జాగ్రత్తలను తీసుకుంటున్నారు. పక్క స్టార్స్ సినిమాలతో క్లాష్ అవ్వకుండా ఉండేలా చూసుకుంటున్నారు.
Devara Movie Release Date : ఈ క్రమంలో జూనియర్ ఎన్టీఆర్ వచ్చే ఏడాది 'దేవర'గా ప్రేక్షకుల ముందుకు రానున్నారు. కొరటాల శివ దర్శకత్వంలో రూపొందుతున్న ఈ సినిమా ఏప్రిల్ 4న థియేటర్లలో రిలీజయ్యేందుకు సిద్ధమౌతోంది. ఈ విషయాన్ని మూవీ యూనిట్ ఇప్పటికే ప్రకటించిన విషయం తెలిసిందే. అయితే 'దేవర' సినిమాకు పోటీగా ఇప్పుడు చాలా సినిమాలు రానున్నట్లు సమాచారం. లెక్కల మాస్టర్ సుకుమార్ తెరకెక్కిస్తున్న 'పుష్ప 2' చిత్రం కూడా ఏప్రిల్లోనే రిలీజ్ చేయాలని అనుకుంటున్నారట. అయితే ఈ విషయంపై అధికారిక ప్రకటన రాలేదు. మరోవైపు సుజిత్- పవన్ కల్యాణ్ కాంబోలో రూపొందుతున్న 'ఓజీ' కూడా ఏప్రిల్లోనే రానుందట.
- " class="align-text-top noRightClick twitterSection" data="">
- " class="align-text-top noRightClick twitterSection" data="">
Ram Charan Game Changer Release : ఇక మెగాస్టార్ చిరంజీవి- దర్శకుడు కళ్యాణ్ కృష్ణ కాంబినేషన్లో తెరకెక్కుతున్న సినిమా కూడా ఏప్రిల్లోనే విడుదల కానుందని నెట్టింట టాక్ నడుస్తోంది. ఇదిలాఉండగా.. గ్లోబల్స్టార్ రామ్చరణ్ నటించిన 'గేమ్ ఛేంజర్' సినిమాను నిర్మాత దిల్ రాజు ఏప్రిల్లోనే రిలీజ్ చేయాలని ప్లాన్ చేస్తున్నారట. దీంతో 'దేవర'కు గట్టి పోటీనే ఉన్నట్లు అనిపిస్తోంది. మరోవైపు ఈ సినిమాలన్నీ కూడా భారీ బడ్జెట్తో రూపొందినవే. అంతేకాకుండా.. ఏప్రిల్ మే నెలల్లో వేసవి సెలవులు రానున్న తరుణంలో ఈ సినిమాల రిలీజ్ గురించి దర్శకులు ఇప్పటి నుంచే సన్నాహాలు చేస్తున్నారట. దీంతో ఏ సినిమా బాక్సాఫీస్ వద్ద నెగ్గుతుందో అంటూ అభిమానులు ఆసక్తిగా ఎదురుచూస్తున్నారు.
- " class="align-text-top noRightClick twitterSection" data="">
- " class="align-text-top noRightClick twitterSection" data="">
Jr NTR Devara : పులితో గేమ్ కంప్లీట్.. ఇప్పుడు సొర చేపతో 'దేవర' ఢీ!
NTR Devara movie shooting : 'దేవర' కోసం ఎన్టీఆర్ అలా చేస్తున్నారా?
