Huge Donations to Shirdi Sai: గురు పూర్ణిమ ఉత్సవాలను పురష్కరించుకుని శిర్డీ సాయి బాబా ఆలయానికి సూమారు 7 కోట్ల ఆదాయం విరాళాల ద్వారా సమాకూరింది. సాయి బాబాను గురువుగా భావించే భక్తులు.. ఈ విరాళాలను అందించారు. ఈ సంవత్సరం గురుపూర్ణిమ ఉత్సవాలకు 2లక్షల మంది స్వయంగా సాయి సమాధిని దర్శించుకున్నారని అధికారులు తెలిపారు. గురు పూర్ణిమ రోజు భక్తుల తాకిడికి ఆ ప్రదేశం కిటకిటలాడింది. గురు పూర్ణిమను పురష్కరించుకుని భక్తులు 3రోజుల్లో వివిధ రూపాల్లో అందించిన విరాళాన్ని లెక్కించారు.
గత సంవత్సరంతో పోలిస్తే ఈ సంవత్సరం ఆదాయం రూ.3 కోట్ల మేరకు పెరిగినట్లు అధికారులు తెలిపారు. అధికారులు తెలిపిన వివరాల ప్రకారం.. జూలై 2వ తేదీ నుంచి 4వ తేదీ వరకు వివిధ రూపాల్లో ఆదాయం.. 7 కోట్ల 3 లక్షల 57,248 రూపాయల వరకు సమకూరింది.
- దక్షిణ పెట్టెలో నగదు రూపంలో 2 కోట్ల 85 లక్షల 46,882 రూపాయలు
- డొనేషన్ కౌంటర్ ద్వారా ఒక కోటి 15లక్షల 84,150 రూపాయలు
- ప్రసాదాల ద్వారా 2 లక్షల 84,946 రూపాయలు
- పీఆర్వో శుల్క్ పాస్ ద్వారా 67 లక్షల 33 వేల రూపాయలు
- డెబిట్, క్రెడిట్ కార్డ్ల ద్వారా 56 లక్షల 83 వేలు 133 రూపాయలు
- ఆన్‌లైన్లో విరాళం 64 లక్షల 05 వేల 78 రూపాయలు
- చెక్కులు, డీడీల ద్వారా విరాళం 80 లక్షల 74 వేలు 820 రూపాయలు
- మనీ ఆర్డర్ రూపంలో 2 లక్ష 09 వేల 05 రూపాయలు
- Guru Purnima Shirdi 2023 : గురు పూర్ణిమకు ముస్తాబైన శిర్డీ.. మూడు రోజుల పాటు ఘనంగా ఉత్సవాలు
గురు పూర్ణిమ సందర్భంగా నిర్వహించిన మూడు రోజుల మహోత్సవాల్లో భాగంగా దాదాపు 7 కోట్ల రూపాయల ఆదాయం సమాకూరిందని చీఫ్ ఎగ్జిక్యూటివ్ ఆఫీసర్ పి.శివ శంకర్ తెలిపారు. గత సంవత్సరం కంటే ఈ సంవత్సరం ఆదాయం పెరిగినట్లు ఆయన వివరించారు. గురు పూర్ణిమ సందర్భంగా వచ్చిన భక్తులకు ఎలాంటి ఆటంకాలు కలగలేదని.. అవాంఛనీయ ఘటనలు కూడా ఏమి చోటు చేసుకోలేదని ఆయన తెలిపారు.
"ఈ సంవత్సరం గురు పూర్ణిమ సందర్భంగా మూడు రోజుల మహోత్సవాల్లో భక్తుల ద్వారా దాదాపు 7కోట్ల రూపాయల వరకు విరాళాలు వచ్చాయి. గత సంవత్సరం నాలుగున్నర కోట్ల విరాళాలు వచ్చాయి. గత సంవత్సరంతో పోల్చితే ఈ సంవత్సరం విరాళాలు సుమారు 2కోట్ల 60లక్షల మేర పెరిగాయి." -పి.శివ శంకర్, చీఫ్ ఎగ్జిక్యూటివ్ ఆఫీసర్
