Mohammed Shami Surgery : ఈ ఐపీఎల్ సీజన్ దగ్గర పడుతోంది. ఇంకా ఈ మెగా లీగ్ ప్రారంభం కానే లేదు అంతలోనే ఆటగాళ్లు దూరమవ్వడం ప్రారంభమైంది. తాజాగా మహ్మద్ షమీ ఈ ఐపీఎల్ సీజన్కు అందుబాటులో ఉండడని కన్ఫామ్ అయిపోయింది. కామీ మడమ గాయంతో బాధపడుతున్న అతడికి లండన్లో సర్జరీ సక్సెస్ఫుల్గా జరిగింది. దీంతో అతడికి కనీసం మూడు నెలల పాటు విశ్రాంతి అవసరం. అంటే ఈ లెక్కన అతడు ఐపీఎల్కు పూర్తి దూరమవ్వడంతో పాటు జూన్‌లో జరగనున్న టీ20 ప్రపంచకప్‌నకు అందుబాటులో ఉండటం అనుమానమే అని అర్థమైపోయింది.
జట్టుకు పెద్ద దెబ్బే : ఐపీఎల్‌లో గుజరాత్‌ జట్టు పేస్‌ బౌలింగ్‌కు నాయకత్వం వహిస్తున్నాడు షమీ. ఈ నేపథ్యంలో అతడు 2024 సీజన్కు దూరమవ్వడం ఆ జట్టుకు పెద్ద ఎదురు దెబ్బే అనే చెప్పాలి. కాగా, 2022 సీజన్‌లో టైటిల్ విన్నర్గా నిలిచిన గుజరాత్‌ జట్టులో అతడు 20 వికెట్లు తీసి జట్టు విజేతగా నిలవడంలో ముఖ్య పాత్ర పోషించాడు. అలాగే 2023 సీజన్‌లోనూ షమీ 28 వికెట్లు తీసి సత్తా చాటాడు.
ఆ సిరీస్లన్నింటికీ దూరం : ప్రపంచకప్లోని 7 మ్యాచుల్లో 24 వికెట్లు తీసి జట్టు ఫైనల్‌కు అర్హత సాధించడంలో కీలక పాత్ర పోషించాడు షమి. చివరగా ఆస్ట్రేలియాతో జరిగిన వరల్డ్ కప్ ఫైనల్‌లో ఆడాడు. ఆ తర్వాత గాయం బారిన పడ్డాడు. దీంతో ఆస్ట్రేలియాతో జరిగిన టీ20 సిరీస్, దక్షిణాఫ్రికా పర్యటన, ప్రస్తుతం స్వదేశంలో ఇంగ్లాండ్‌తో జరుగుతున్న టెస్టు సిరీస్కు దూరమయ్యాడు. ఈ క్రమంలోనే ఇప్పుడు సర్జరీ చేయించుకుని మరి కొంత కాలం పాటు జట్టుకు అందుబాటులో ఉండట్లేదు.
కోహ్లీ కూడా చెప్పలేని పరిస్థితి : టీమ్ ఇండియా స్టార్‌ బ్యాటర్, ఆర్సీబీ మాజీ కెప్టెన్‌ విరాట్‌ కోహ్లీ ఐపీఎల్-2024లో ఆడతాడా? అంటే అది కూడా క్లారిటీ లేదు. వ్యక్తిగత కారణాలతో ఇంగ్లాండ్ సిరీస్కు దూరమైన అతడు ఐపీఎల్కు వస్తాడా లేదా అనే విషయమై అనిశ్చితి నెలకొంది. ఆర్సీబీ తన తొలి మ్యాచ్ను మార్చి 22న చెన్నైసూపర్‌ కింగ్స్‌తో తలపడనుంది.
