PM Modi Reacts on Shami Surgery : కాలి మడమ గాయం కారణంతో బాధపడుతున్న భారత సీనియర్ పేస్ బౌలర్ మహమ్మద్ షమీకి తాజాగా సర్జరీ సక్సెస్ఫుల్గా జరిగింది. ఈ విషయాన్ని అతడు సోషల్ మీడియాలో తెలిపాడు. సర్జరీ తర్వాత ఆస్పత్రి బెడ్పై దిగిన ఫొటోలను షేర్ చేశాడు. "మడమ ఆపరేషన్ విజయవంతంగా పూర్తైంది. కానీ కోలుకోవడానికి కొంత సమయం పడుతుంది. నా కాళ్లపై నా అంతట నేనుగా నడవటానికి ఎదురుచూస్తుంటాను" అని షమీ రాసుకొచ్చాడు.
ఇక ఈ సర్జరీ జరగడం వల్ల షమీకి కొంతకాలం విశ్రాంతి అవసరం. అంటే అతడు మార్చిలో మొదలుకానున్న ఐపీఎల్ 2024 సీజన్కు దూరమయ్యే ఛాన్స్ ఉంది. ఇక ఆ తర్వాత జూన్లో జరిగే టీ20 ప్రపంచ కప్కు అతడు అందుబాటులో ఉంటాడా లేదా అన్నది తెలియాల్సి ఉంది.
స్పందించిన మోదీ : తాను సర్జరీ చేయించుకున్నట్లు షమీ పెట్టిన పోస్ట్పై ప్రధాన మంత్రి మోదీ స్పందించారు. "మీరు త్వరగా కోలుకోవాలని, మంచి ఆరోగ్యాన్ని పొందాలని కోరుకుంటున్నాను. మీలో ఉన్న ధైర్యంతో ఈ గాయం బారిన నుంచి త్వరగా కోలుకుంటారని నాకు నమ్మకం ఉంది" అని రాసుకొచ్చారు.
కాగా వన్డే వరల్డ్‌ కప్ - 2023 తర్వాత రైటార్మ్‌ పేసర్‌ మహ్మద్‌ షమీ ఆటకు దూరమైన సంగతి తెలిసిందే. సొంతగడ్డపై జరిగిన ఈ మెగా టోర్నీలో ఆకాశమే హద్దుగా చెలరేగిన అతడు ఏకంగా మూడుసార్లు ఐదు వికెట్ల ప్రదర్శన చేశాడు. మొత్తంగా 24 వికెట్లు పడగొట్టాడు. తద్వారా ప్రపంచ కప్ -2023లో అత్యధిక వికెట్లు తీసిన బౌలర్‌గా నిలిచాడు. అయితే ఈ టోర్నీలో అతడు ఎడమకాలి మడిమ నొప్పితో ఇబ్బంది పడ్డాడు. నొప్పి వేధిస్తున్నా బాధను దిగమింగుకుని ఆడాడు.
కానీ అనంతరం నొప్పి ఎక్కువ అవ్వడం వల్ల సౌతాఫ్రికా పర్యటనకు దూరమయ్యాడు. ఇప్పుడు స్వదేశంలో ఇంగ్లాండ్తో జరుగుతున్న టెస్టు సిరీస్‌కూ అందుబాటులో లేకుండా ఉండిపోయాడు. అయితే, మార్చిలో ప్రారంభంకానున్న ఐపీఎల్ 17వ సీజన్కు అయినా వస్తాడని అంతా ఆశించారు. కానీ ఇప్పుడది అసాధ్యమేనని తెలిసింది. అతడు లండన్ వెళ్లి సర్జరీ చేయించుకున్నాడు. ఈ క్రమంలోనే ప్రధాన మంత్రి మోదీ అతడు త్వరగా కోలుకోవాలని కోరుకున్నారు.
