Pawan Kalyan OG Trailer: తెలుగు రాష్ట్రాల్లో ఎన్నికల వేడి తగ్గింది. అయితే ఇప్పుడు టాలీవుడ్లో మళ్లీ సినిమాల జోరు పెరగనుంది. రెండు సంవత్సరాల నుంచి పవన్ కల్యాణ్ ఫ్యాన్స్ ఎంతగానో ఎదురుచూస్తున్న 'OG' (ఒరిజినల్ గ్యాంగ్స్టర్) గురించి ఎట్టకేలకు ఒక అప్డేట్ వచ్చింది. తాజాగా ఓ ఇంటర్వ్యూలో పాల్గొన్న మూవీ డైరెక్టర్ సుజిత్ OG గురించి మాట్లాడారు. ఈ సినిమా ట్రైలర్ ఇప్పటికే రెడీ చేశామని, విడుదలకు సిద్దంగా ఉందని చెప్పి ఫ్యాన్స్లో జోష్ నింపారు.
'ఇదొక గ్యాంగ్ స్టర్ యాక్షన్ డ్రామా. దీనికి జపనీస్ మూవీస్ రిఫరెన్సెస్ తీసుకున్నాం. నేను జపనీస్ సినిమాలు ఎక్కువగా చూస్తాను. కల్యాణ్ గారికి కూడా అవి చాలా ఇష్టం. తన కొడుక్కి కూడా తనకు ఎంతో ఇష్టమైన జపనీస్ ఫిల్మ్ మేకర్ అకీరా కురుసోవా పేరును పెట్టారు. నిజానికి OG అంటే 'ఓజాస్ గంభీరా'. ఓజాస్ అంటే మాస్టర్ అని గంభీర ఏమో హీరో పేరు. OG అంటే ఒరిజినల్ గ్యాంగ్ స్టర్ అనే అర్థం కూడా వస్తుంది. ఇక ఈ సినిమా ట్రైలర్ కూడా ఆడియెన్స్ కోసం సిద్దంగా ఉంది' అని అన్నారు సుజిత్. అయితే ట్రైలర్ రెడీ అయ్యిందని అప్డేట్ ఇచ్చిన డైరెక్టర్ సుజిత్, అది ఎప్పుడు రీలీజ్ చేస్తారన్నది మాత్రం వెల్లడించలేరు. కానీ, ట్రైలర్ రెడీ అయ్యిందని డైరెక్టర్ స్వయంగా చెప్పారంటే త్వరలోనే రిలీజ్ అయ్యే ఛాన్స్ ఉంది.
ఇక ఇప్పటికే ఈ సినిమా నుంచి రిలీజైన గ్లింప్స్నకు మంచి రెస్పాన్స్ వచ్చింది. ఈ చిత్రంలో పవన్ కల్యాణ్ సరసన ప్రియాంక అరుళ్ మోహన్ హీరోయిన్గా నటిస్తుంది. ఈ మూవీని డీవీవీ దానయ్య డీవీవీ ఎంటర్టైన్మెంట్ బ్యానర్పై నిర్మిస్తున్నారు. ఈ సినిమాకు తమన్ సంగీతం అందిస్తున్నారు. ఈ చిత్రంతో బాలీవుడ్ హీరో ఇమ్రాన్ హష్మి టాలీవుడ్కు పరిచయం అవుతున్నారు. ఇందులో సీనియర్ నటులు ప్రకాష్ రాజ్, అర్జున్ దాస్, శుభలేఖ సుధాకర్, శ్రియా రెడ్డి ప్రధాన పాత్రల్లో నటిస్తున్నారు. ఈ మూవీ సెప్టెంబర్ 27న ప్రేక్షకుల ముందుకు రానుంది.
శ్రియా రెడ్డి పోషిస్తున్న పాత్రను ఆమె చేయాల్సిందట! - OG Movie
వీరమల్లు రిలీజ్ డేట్ ఇదే - చిక్కుల్లో పడ్డ ఓజీ - Pawankalyan
