ETV Bharat / sports

5 వికెట్లతో చెలరేగిన యశ్​ - గుజరాత్​పై లఖ్​నవూ విజయం - LSG vs GT IPL 2024

author img

By ETV Bharat Telugu Team

Published : Apr 7, 2024, 10:57 PM IST

Updated : Apr 8, 2024, 6:16 AM IST

LSG vs GT IPL 2024
LSG vs GT IPL 2024

LSG vs GT IPL 2024: ఐపీఎల్​ 2024లో భాగంగా లఖ్​నవూ సూపర్ జెయింట్స్- గుజరాత్ టైటాన్స్ జట్లు ఆదివారం తలపడ్డాయి. ఈ మ్యాచ్​లో లఖ్​నవూ విజయం సాధించింది. పూర్తి మ్యాచ్ వివరాలు స్టోరీలో.

LSG vs GT IPL 2024 : 2024 ఐపీఎల్​లో భాగంగా తాజాగా జరిగిన మ్యాచ్​లో లఖ్​నవూ సూపర్ జెయింట్స్ మరోసారి ఆల్​రౌండ్​ప్రదర్శనతో అదరగొట్టింది. బ్యాటింగ్ కష్టంగా మారిన పిచ్​పై గుజరాత్ టైటాన్స్​ను 33 పరుగులు తేడాతో ఓడించింది. తొలుత బ్యాటింగ్ చేసిన లఖ్​నవూ, గుజరాత్ ముందు 164 పరుగుల టార్గెట్ ఉంచింది. అయితే ఛేదనను ఘనంగా ఆరంభించిన గుజరాత్ పవర్​ ప్లే తర్వాత తడబడింది. మొత్తంగా 18.5 ఓవర్లలో 130 పరుగులకే ఆలౌటైంది. సాయి సుదర్శన్‌ ( 23 బంతుల్లో 4 ఫోర్ల సాయంతో 31 పరుగులు) టాప్‌ స్కోరర్​గా నిలిచాడు. శుభ్​మన్ గిల్ (19 పరుగులు) ఆకట్టుకోలేకపోయాడు. ఇక కేన్ విలియమ్సన్ (1), శరత్ బీఆర్ (2), దర్శన్ నల్కండే (12), విజయ్ శంకర్ (17) విఫలమయ్యారు. చివర్లో రాహుల్ తెవాటియా (30) పోరాడిన ఫలితం దక్కలేదు. అతడి ఇన్నింగ్స్ కేవలం ఓటమి అంతరాన్ని తగ్గించడానికే ఉపయోగపడింది. 19వ ఓవర్లో యువ పేసర్ యశ్‌ ఠాకూర్ - తెవాతియా, నూర్‌ అహ్మద్‌ (4)లను ఔట్‌ చేసి 5 వికెట్ల ప్రదర్శన పూర్తి చేయడంతో పాటు గుజరాత్​ టైటాన్స్‌ కథను కూడా ముగించాడు. స్పిన్నర్‌ కృనాల్‌ పాండ్య (3/11) కూడా మంచి బౌలింగ్ ప్రదర్శన చేసి ఆకట్టుకున్నాడు.

అంతకుముందు బ్యాటింగ్ చేసిన లఖ్​నవూ నిర్ణీత 20 ఓవర్లలో 5 వికెట్ల నష్టానికి 163 పరుగులు చేసింది. ఓపెనర్ క్వింటన్ డికాక్ (6) స్వల్ప స్కోర్​కే వెనుదిరిగాడు. కేఎల్ రాహుల్ (33 పరుగులు, 31 బంతుల్లో) నెమ్మదిగా ఆడాడు. వన్​ డౌన్​లో వచ్చిన దేవదత్ పడిక్కల్ (7)కూడా నిరాశ పర్చాడు. ఇక మిడిలార్డర్​లో మార్కస్ స్టాయినిస్ (43 బంతుల్లో 4×4, 2×6 సాయంతో 58 పరుగులు) హాఫ్ సెంచరీతో రాణించాడు. ఆఖర్లో ఆయుశ్ బదోనీ (20 పరుగులు), నికోలస్ పూరన్ (32* పరుగులు, 22 బంతుల్లో 3×6) ఫర్వాలేదనిపించారు. దీంతో లఖ్​నవూ స్కోర్ 160 పరుగులు దాటింది. గుజరాత్ బౌలర్లలో ఉమేశ్ యాదవ్, దర్శన్ నల్కండే తలో 2, రశీద్ ఖాన్ 1 వికెట్ దక్కించుకున్నారు.

'ముంబయి' ఆల్​రౌండ్ షో- రఫ్పాడించిన బుమ్రా- 2024లో తొలి విజయం - MI vs DC IPL 2024

అక్షయ్ IPL ప్రెడిక్షన్- ప్లేఆఫ్స్ కు వెళ్లేది ఆ 4 జట్లే- ఆయన క్రికెట్ అసలు చూడరట! - 2024 Ipl Playoffs Akshay Kumar

Last Updated :Apr 8, 2024, 6:16 AM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.