Vijay Devarakonda Dual Role Movie: 'ఐరన్ ఏ వంచాలా ఏంటి' ఇది 'ఫ్యామిలీ స్టార్' సినిమాలో యూత్ ఐకాన్ విజయ్ దేవరకొండ డైలాగ్. ఇక ఎప్పుడూ ఒకే పాత్రలో నటించాలా ఏంటీ అని అంటున్నాడు విజయ్. తాజాగా హీరో విజయ్, టాక్సీవాలా ఫేమ్ రాహుల్ సంకృత్యన్తో సినిమా ఓకే చేశాడు. అయితే ఈ సినిమాలో విజయ్ డ్యుయెల్ రోల్లో నటించనున్నట్లు తెలుస్తోంది.
1854 - 1878 సంవత్సర కాలం నాటి పరిస్థితులను ప్రతిబింబిస్తూ కథ ఉండబోతుంది. ఇటీవల సినిమాకు సంబంధించిన పోస్టర్ కూడా రిలీజ్ చేశారు. బీటలు వారిన నేలపై ఓ రాయి విగ్రహం ఉంది. కత్తి పట్టుకొని అమ్మవారు గుర్రంపై కూర్చున్నట్లు రాయిపై చెక్కి ఉన్న పోస్టర్ రిలీజ్ చేశారు. దానిని బట్టి విజయ్ ఒక వారియర్ పాత్ర పోషిస్తున్నట్లుగా తెలుస్తోంది. అయితే ఈ పాత్రతోపాటు విజయ్ సినిమాలో డ్యూయెల్ రోల్ పోషిస్తున్నాడని సినీ వర్గాల టాక్.
మొత్తానికి విజయ్ తన 14వ సినిమాతో డ్యూయెల్ రోల్తో హిట్ కొట్టేందుకు రెడీ అవుతున్నాడన్న మాట. ఇక ఈ సినిమాలో విజయ్ సరసన రష్మిక మంధాన్న హీరోయిన్గా నటించనున్నట్లు తెలుస్తోంది. ఈ విషయంపై ఎలాంటి క్లారిటీ లేదు. ఈ సినిమాను టాలీవుడ్ టాప్ ప్రొడక్షన్ బ్యానర్ మైత్రి మూవీ మేకర్స్ పాన్ఇండియా లెవెల్లో రూపొందిస్తోంది.
ఇక, రీసెంట్గా రిలీజైన ఫ్యామిలీ స్టార్ సినిమా విజయ్ దేవరకొండకు అనుకున్నంత హిట్ తెచ్చిపెట్టలేదు. దిల్ రాజు నిర్మించిన ఈ సినిమా నిరాశ పర్చినప్పటికీ విజయ్‌తో కలిసి మరో ప్రాజెక్టుతో సిద్ధమయ్యారాయన. కిరణ్ కోలా దర్శకత్వంలో ఈ సినిమా తెరకెక్కనుంది. ఒక గ్రామీణ నేపథ్యంలో డైరెక్టర్ ఈ సినిమా కథను సిద్ధం చేశారు. దీనికి సంబంధించిన పోస్టర్ కూడా విజయ్ బర్త్డే సందర్భంగా రిలీజ్ చేశారు. అందులో 'కత్తి నేనే, నెత్తురు నాదే, యుద్ధం నాతోనే' అంటూ రక్తంతో తడిచిన చేయి కనిపిస్తుంటుంది. వర్షంలో తడుస్తున్న చేయి, వెనుక వైపు చెలరేగుతున్న మంటలు కనిపిస్తుండటం ఈ సినిమా అంచనాలు పెరిగిపోయాయి. ఇది కూడా పాన్ఇండియా రేంజ్లోనే తెరకెక్కుతోంది.
- " class="align-text-top noRightClick twitterSection" data="">
క్రేజీ న్యూస్ - స్టార్ డైరెక్టర్తో రామ్ పోతినేని నయా మూవీ! - Ram Pothineni New Movie
