Prabhas Cousin Virat Raj Tollywood Debut : టాలీవుడ్‌లో వార‌సులు ఎంట్రీ ఇవ్వ‌డం కొత్తేమీ కాదు. ఇప్పుడున్న స్టార్ హీరోల్లో చాలా మంది వార‌సులుగా వచ్చినవారే. అయితే తాజాగా పాన్ ఇండియా స్టార్ ప్రభాస్ ఫ్యామిలీ నుంచి కొత్త వార‌సుడు టాలీవుడ్‌లోకి హీరోగా ఎంట్రీ ఇవ్వనున్నారు. ప్రభాస్ కజిన్ విరాట్ రాజ్ హీరోగా మారారు. గౌడ్‌సాబ్ పేరుతో ఓ సినిమా చేయనున్నారు. ఈ మూవీ తాజాగా లాంఛ‌నంగా పూజా కార్యక్రమాలతో ప్రారంభం అయింది. ఈ చిత్రంతో కొరియోగ్రాఫర్ గణేశ్ మాస్టర్ డైరెక్ట‌ర్‌గా ప‌రిచ‌యం అవుతున్నారు.
మొదట ఈ సినిమా లాంఛ్కు దర్శకుడు త్రివిక్రమ్ శ్రీనివాస్తో పాటు పవన్ కళ్యాణ్ చీఫ్ గెస్ట్గా వస్తారని ప్రచారం జరిగింది కానీ అది కుదరలేదు. డైరెక్టర్ సుకుమార్ వచ్చి ఈ సినిమా టైటిల్ పోస్టర్ లాంఛ్ చేశారు. తరవాత పవన్ కళ్యాణ్ ఆశీర్వాదంతో ఈ మూవీ పోస్టర్ లాంఛ్ అయినట్టు మూవీటీమ్ ప్రకటించింది. పాత బైక్ పై అమ్మాయి వోణి వాలుతున్నట్లుగా ఉన్న పోస్టర్ను విడుదల చేశారు. ఈ పోస్టర్ నెట్టింట వైరల్గా మారింది.
హీరోగా విరాట్ రాజ్కు ఇది తొలి చిత్రం. అలాగే హీరోయిన్ కూడా కొత్త అమ్మాయి ఉంటుందని సినిమా యూనిట్ ప్రకటించింది. యాక్షన్ కథాంశంగా తెరకెక్కుతున్న ఈ చిత్రంలో మిగతా నటీనటులు గురించి త్వరలోనే ప్రకటిస్తామని డైరెక్టర్ గణేశ్ మాస్టర్ చెప్పారు. విరాట్ రాజ్ ఎత్తులో శరీర సౌష్టవంలో ప్రభాస్లో ఉండటంతో ఇలాంటి యాక్షన్ బ్యాక్ గ్రౌండ్ సినిమాలు అతనికి బాగుంటాయి. ఈ సినిమాలో యాక్షన్ మాత్రమే కాదు ఒక అందమైన లవ్ స్టొరీ కూడా ఉందని ఈ సినిమా కథను తాను సంవత్సరం నుంచి రాసుకుంటున్నాను అని చెప్పారు గణేష్ మాస్టర్. ఇకపోతే ఈ సినిమాకు వెంగీ సంగీతం సమకూరుస్తున్నారు.ఎస్ఆర్ క‌ళ్యాణ‌మంట‌పం సినిమాను నిర్మించిన రాజు, వెంక‌ట ర‌మ‌ణ, సాయికృష్ణ ఈ సినిమాను నిర్మిస్తున్నారు. ఈ సినిమా షూటింగ్ త్వరలోనే ప్రారంభం కానుంది.
కాగా, ఢీ రియాల్టీ షోతో పేరు తెచ్చుకున్న గణేశ్ మాస్టర్ గబ్బర్ సింగ్, అల వైకుంఠపురంలో, భీమ్లా నాయక్ వంటి సినిమాలకు కొరియోగ్రాఫర్గా పనిచేశారు. గబ్బర్ సింగ్ సినిమాకు సినీ'మా' అవార్డు కూడా గెలుచుకున్నారు.
వంటలక్క ప్రేమి విశ్వనాథ్కు ఒక్క రోజు రెమ్యునరేషన్ ఎంతో తెలుసా? - Vantalakka Remuneration
