ୱାଶିଂଟନ: ଚଳିତ ମାସ (ଅକ୍ଟୋବର)ରେ ଜାତୀୟ ସ୍ତନ କର୍କଟ ସଚେତନତା ମାସ ପାଳନ କରାଯାଏ (National Breast Cancer Awareness Month) । ସ୍ତନ କର୍କଟ (Breast Cancer)ର ସଙ୍କେତ, ଲକ୍ଷଣ ଏବଂ ଭୟାବହତା ବାବଦରେ ସଚେତନତା କରିବା ଉଦ୍ଦେଶ୍ୟରେ ପ୍ରତିବର୍ଷ ଏହି ସଚେତନତା ମାସ ପାଳନ କରାଯାଏ । ମାତ୍ର ଏବେ ବି ମଧ୍ୟ ଅଧିକାଂଶ ମହିଳା ପ୍ରଦାହଜନକ ସ୍ତନ କର୍କଟର ଅସ୍ୱାଭାବିକ ଲକ୍ଷଣ ବିଷୟରେ ଜାଣନ୍ତି ନାହିଁ । ନିକଟରେ ହୋଇଥିବା ଏକ ସର୍ବେକ୍ଷଣରୁ ଏପରି ଜଣାପଡିଛି ।
ଓହିଓ ଷ୍ଟେଟ ୟୁନିଭରସିଟି ବିସ୍ତୃତ କର୍କଟ କେନ୍ଦ୍ର(Ohio State University Comprehensive Cancer Cente) - ଅର୍ଥର ଜି ଜେମ୍ସ କର୍କଟ ହସ୍ପିଟାଲ ଏବଂ ରିଚାର୍ଡ ଜେ । ସୋଲୋଭ ରିସର୍ଚ୍ଚ ଇନଷ୍ଟିଚ୍ୟୁଟ (OSUCCC - James) ଦ୍ୱାରା ଏହି ସର୍ଭେ କରାଯାଇଥିଲା । ତେବେ କମ୍ ସଂଖ୍ୟଙ୍କ ମହିଳାଙ୍କ ଠାରେ ସ୍ତନରେ ଲାଲ୍ ରଙ୍ଗ( breast redness) (44%), ଚର୍ମର pitting/thickening ହେବା (44%), କିମ୍ବା ଗୋଟିଏ ସ୍ତନ ଅନ୍ୟ ଅପେକ୍ଷା ଗରମ କିମ୍ବା ଭାରୀ ଅନୁଭବ କରିବା (34%) ଲକ୍ଷଣ ଦେଖାଯାଇଥାଏ ।
18 ବର୍ଷରୁ ଅଧିକ ବୟସର 1100 ଆମେରିକୀୟ ମହିଳାଙ୍କ ମଧ୍ୟରେ ଅନଲାଇନରେ କରାଯାଇଥିବା ଏହି ସର୍ବେକ୍ଷଣରୁ ଜଣାପଡିଛି ଯେ, ପ୍ରତି 5 ଜଣ ମହିଳାଙ୍କ ମଧ୍ୟରୁ 4 ଜଣଙ୍କ ଠାରେ (78%) ସ୍ତନ କର୍କଟ ସଙ୍କେତ ଦେଖାଯାଇଥାଏ । ସ୍ତନର ଯେକୌଣସି ସ୍ଥାନରେ ସଂକ୍ରମଣ ଭଳି ଲକ୍ଷଣ ସ୍ତନ କର୍କଟ ସମସ୍ୟା ସହ ଜଡିତ ହୋଇପାରେ । ମାତ୍ର ଏହା ସଂକ୍ରମଣ ପରି ଦେଖାଯାଉଥିବାରୁ ରୋଗ ନିର୍ଣ୍ଣୟରେ ବିଳମ୍ବ ହୁଏ । ତେବେ ଏହି ଲକ୍ଷଣଗୁଡିକ କଣ ସେ' ବାବଦରେ ନିମ୍ନରେ ବର୍ଣ୍ଣନା କରାଯାଇଛ...
- ଏକ କମଳା ଚୋପା ପରି ଗଠନ ବା ଚର୍ମରେ ପରିବର୍ତ୍ତନ
- ଭାରୀ ଅନୁଭବ
- ଚର୍ମ ଟାଣିବା
- ଲାଲ୍ ରଙ୍ଗ ଭଳି ସଂକ୍ରମଣ
ତେବେ ବିଭିନ୍ନ ପ୍ରକାରର ସ୍ତନ କର୍କଟ ଲକ୍ଷଣ ବାବଦରେ ମହିଳାମାନେ ଜାଣିବା ସହ, କୌଣସି ପରିବର୍ତ୍ତନ ଅନୁଭବ କଲେ ଡାକ୍ତରଙ୍କ ପରାମର୍ଶ ଗ୍ରହଣ କରିବାକୁ ଡାକ୍ତରୀ ଟିମ୍ ପରାମର୍ଶ ଦେଇଛନ୍ତି ।
