ହାଇଦ୍ରାବାଦ: ଏକ ସୁସ୍ଥ ଶରୀର ଏବଂ ସ୍ୱାସ୍ଥ୍ୟ ପାଇଁ ଭଲ ଖାଦ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଯେତେବେଳେ ପୋଷକ ତତ୍ତ୍ୱଯୁକ୍ତ ଖାଦ୍ୟ କଥା ଆସେ, ସେତେବେଳେ ନିଶ୍ଚିତ ରୂପେ ୱଲନଟ୍ସ ଉପକାରିତା ମନେପଡେ । କାରଣ ଏହି ଗୋଟିଏ ଫଳରେ ସୁସ୍ଥ ଚର୍ବି, ଫାଇବର, ଭିଟାମିନ୍, ପ୍ରୋଟିନ୍, କ୍ୟାଲସିୟମ୍, ମ୍ୟାଗ୍ନେସିୟମ୍, ଆଇରନ୍, ଫସଫରସ୍, କପର୍, ସେଲେନିୟମ୍, ଓମେଗା -3 ପରି ଖଣିଜ ପଦାର୍ଥ ମିଳିଥାଏ, ଯାହା ସ୍ୱାସ୍ଥ୍ୟ ପାଇଁ ବେଶ୍ ଲାଭଦାୟକ ।
ୱଲନଟ୍ସ ଅତ୍ୟନ୍ତ ଲାଭଦାୟକ, ଯଦି ଏହାକୁ ରାତିସାରା ପାଣିରେ ଭିଜାଇ ପରଦିନ ଖାଆନ୍ତି, ତେବେ ଏହାର ଗୁଣ ଆହୁରି ବଢିଯାଏ । ଡ୍ରାଏ ଫ୍ରୁଟ୍ସର ରାଜା କୁହାଯାଉଥିବା ୱଲନଟ୍ସ କେବଳ ମସ୍ତିଷ୍କ ପାଇଁ ନୁହେଁ ବରଂ ସାମଗ୍ରିକ ସ୍ୱାସ୍ଥ୍ୟ ପାଇଁ ମଧ୍ୟ ଏକ ଲାଭଦାୟକ । ମଧୁମେହ, ରକ୍ତଚାପ ଓଜନ ହ୍ରାସ, କୋଷ୍ଠକାଠିନ୍ୟ ଭଳି ଜଟିଳ ସମସ୍ୟାରୁ ମୁକ୍ତି ଦେଇଥାଏ ୱଲନଟ୍ସ(Walnuts Benefits) । ନିମ୍ନରେ ସେ' ବାବଦରେ ଅଧିକ ଆଲୋଚନା କରାଯାଇଛି...
ମଧୁମେହ ପାଇଁ ଉପକାରୀ ୱଲନଟ୍ସ:-
ଯଦି ରକ୍ତରେ ଶର୍କରା ଏବଂ ମଧୁମେହରୁ ଦୂରେଇ ରହିବାକୁ ଚାହାଁନ୍ତି, ତେବେ ଭିଜା ଯାଇଥିବା ୱଲନଟ୍ସ ଖାଇବା ଲାଭଦାୟକ ହୋଇପାରେ । ଅନେକ ଅଧ୍ୟୟନରେ ଏହା ପ୍ରକାଶ ପାଇଛି ଯେ, ଯେଉଁମାନେ ପ୍ରତିଦିନ 2 ରୁ 3 ଟି ୱଲନଟ୍ସ ଖାଉଛନ୍ତି, ସେମାନଙ୍କ ମଧ୍ୟରେ ଟାଇପ୍-୨ ମଧୁମେହ ହେବାର ଆଶଙ୍କା କମ୍ଥାଏ । ୱଲନଟ୍ସ ରକ୍ତରେ ଶର୍କରା ସ୍ତରକୁ ନିୟନ୍ତ୍ରଣ କରିବାରେ ସାହାଯ୍ୟ କରିଥାଏ, ଯାହା ମଧୁମେହ ହେବାର ଆଶଙ୍କା କମ କରିଥାଏ ।
କୋଷ୍ଠକାଠିନ୍ୟରୁ ଉପଶମ ମିଳେ
ଅଧିକାଂଶ ବ୍ୟକ୍ତିଙ୍କର କୋଷ୍ଠକାଠିନ୍ୟ ସମସ୍ୟା ରହୁଛି । ଯଦି ଆପଣ ମଧ୍ୟ କୋଷ୍ଠକାଠିନ୍ୟର ସମ୍ମୁଖୀନ ହେଉଛନ୍ତି, ତେବେ ଭିଜା ଯାଇଥିବା ବାଦାମ ୱଲନଟ୍ସ ଖାଇବା ଦ୍ୱାରା ଲାଭଦାୟକ ହୋଇଥାଏ । ୱଲନଟ୍ସ ରେ ଅନେକ ଫାଇବର ରହିଥାଏ, ଏହି କାରଣରୁ ଆମର ହଜମ ପ୍ରକ୍ରିୟା ସୁସ୍ଥ ରହିଥାଏ । ଏହା ସହିତ, ଭିଜା ଯାଇଥିବା ୱଲନଟ୍ସ ମଧ୍ୟ ସହଜରେ ହଜମ ହୋଇଥାଏ ।
ହୃଦୟକୁ ସୁସ୍ଥ ରଖେ
ୱଲନଟ୍ସ ଆପଣଙ୍କ ହୃଦୟକୁ ସୁସ୍ଥ ରଖିବାରେ ସାହାଯ୍ୟ କରେ । ଏଥିରେ ଓମେଗା -3 ଫ୍ୟାଟି ଏସିଡ୍ ଭରପୂର ରହିଛି, ଯାହା ଆପଣଙ୍କ ହୃଦୟ ପାଇଁ ଲାଭଦାୟକ । ଅନେକ ଅଧ୍ୟୟନରେ ଏହା ମଧ୍ୟ ପ୍ରମାଣିତ ହୋଇଛି ଯେ, ଉଚ୍ଚ ରକ୍ତଚାପ ସମସ୍ୟା ଥିବା ଲୋକଙ୍କ ପାଇଁ ୱଲନଟ୍ସ ଲାଭଦାୟକ । ଓମେଗା -3 ଫ୍ୟାଟି ଏସିଡ୍ ଶରୀରରୁ ଖରାପ କୋଲେଷ୍ଟ୍ରୋଲ୍ ହ୍ରାସ କରି ଭଲ କୋଲେଷ୍ଟ୍ରଲ ସୃଷ୍ଟି କରିବାରେ ସାହାଯ୍ୟ କରିଥାଏ, ଯାହା ହୃଦୟ ପାଇଁ ଲାଭଦାୟକ ।
ହାଡକୁ ଦୃଢ ରଖେ ୱଲନଟ୍ସ
ୱଲନଟ୍ସରେ ଅନେକ ଉପାଦାନ ଏବଂ ଗୁଣ ରହିଥାଏ, ଯାହା ଆପଣଙ୍କର ହାଡ ଏବଂ ଦାନ୍ତକୁ ଶକ୍ତିଶାଳୀ କରିଥାଏ । ଏଥିରେ ଆଲଫା-ଲିନୋଲେନିକ୍ ଏସିଡ୍ ଥାଏ, ଯାହା ହାଡକୁ ମଜବୁତ କରିବାରେ ସାହାଯ୍ୟ କରିଥାଏ । ଏଥିସହ, ୱଲନଟ୍ସ ରେ ଥିବା ଓମେଗା -3 ଫ୍ୟାଟି ଏସିଡ୍ ମଧ୍ୟ ପ୍ରଦାହକୁ ହ୍ରାସ କରିଥାଏ ।
ରୋଗ ପ୍ରତିରୋଧକ ଶକ୍ତି ବଢାଏ
ଯଦି ଆପଣ ପ୍ରତିଦିନ ୱଲନଟ୍ସ ଖାଉଛନ୍ତି, ତେବେ ଏହା ଆପଣଙ୍କ ରୋଗ ପ୍ରତିରୋଧକ ଶକ୍ତି ବଢାଇବାରେ ବହୁତ ସାହାଯ୍ୟକାରୀ । ଏଥିରେ ଆଣ୍ଟିଅକ୍ସିଡାଣ୍ଟ ଭରପୂର ଥାଏ, ଯାହା ରୋଗ ପ୍ରତିରୋଧକ ଶକ୍ତି ବଢାଇଥାଏ ।
ଭଲ ନିଦ ହୋଇଥାଏ
ଯଦି ଆପଣଙ୍କର ଶୋଇବାରେ ଅସୁବିଧା ହେଉଛି, ତେବେ ୱଲନଟ୍ସ ଖାଇବା ଦ୍ୱାରା ଆପଣଙ୍କ ନିଦ ଭଲ ହୋଇପାରେ । ଏହା ଚାପ ମୁକ୍ତ କରିବାରେ ମଧ୍ୟ ସାହାଯ୍ୟ କରେ । ୱଲନଟ୍ସ ରେ ମେଲାଟୋନିନ୍ ଥାଏ, ଯାହା ଭଲ ନିଦରେ ସାହାଯ୍ୟ କରିଥାଏ ।
