ପୁରୀ: ଭିଜିଲାନ୍ସ ଜାଲରେ ନିମାପଡା ସବ ରେଜିଷ୍ଟ୍ରର କାର୍ଯ୍ୟାଳୟ ମୁଖ୍ୟ କିରାଣୀ । ଲାଞ୍ଚ ନେବା ଅଭିଯୋଗରେ ତାଙ୍କୁ ବାନ୍ଧିଛି ଭୁବନେଶ୍ୱର ଭିଜିଲାନ୍ସ ଟିମ । ଏହାସହ ଜଣେ ରାତ୍ରୀ ଜଗୁଆଳୀଙ୍କୁ ମଧ୍ୟ ଗିରଫ କରାଯାଇଛି ।
ସୂଚନା ଅନୁଯାୟୀ ନିମାପଡ଼ା ଅଞ୍ଚଳର ଏକ ଜମି ବିକ୍ରି ପାଇଁ ଜୈନିକ ବ୍ୟକ୍ତିଙ୍କୁ ଲାଞ୍ଚ ମାଗିଥିଲେ କିରାଣୀ ପ୍ରକାଶ କୁମାର ଦାସ । ଫଳରେ ସମ୍ପୃକ୍ତ ବ୍ୟକ୍ତି ଜଣକ ଏନେଇ ଭିଜିଲାନ୍ସର ଦ୍ବାରସ୍ଥ ହୋଇଥିଲେ । ପୂର୍ବ ଯୋଜନା ମୁତାବକ ସେହି ବ୍ୟକ୍ତି ଜଣକ କିରାଣୀଙ୍କୁ ୨୦ ହଜାର ଟଙ୍କା ଦେଉଥିବା ବେଳେ ଭିଜିଲାନ୍ସ ତାଙ୍କୁ ଧରିଥିଲା । ଏହି ଘଟଣାରେ କାର୍ଯ୍ୟାଳୟର ରାତ୍ରୀ ଜଗୁଆଳୀ ହରିହର ଦାସଙ୍କ ସମ୍ପୃକ୍ତି ନେଇ ତାଙ୍କୁ ମଧ୍ଯ ଉଠାଇ ନେଇଥିଲା ଭିଜିଲାନ୍ସ ।
ପୁରୀରୁ ଶକ୍ତି ପ୍ରସାଦ ମିଶ୍ର,ଇଟିଭି ଭାରତ
