ଭବାନୀପାଟଣା: ଫସଲ ବୀମା ଯୋଜନାକୁ ନେଇ କଳାହାଣ୍ଡି ଜିଲ୍ଲାର 7ଟି ପଞ୍ଚାୟତ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଛନ୍ତି । ଗତବର୍ଷ ବର୍ଷା ଯୋଗୁଁ ଏମାନଙ୍କ ଫସଲ ନଷ୍ଟ ହୋଇଥିବା ବେଳେ ଏଯାବତ କ୍ଷତିପୂରଣ ମିଳିନାହିଁ । ଫଳରେ ଏମାନେ ଜିଲ୍ଲାପାଳଙ୍କ ଦ୍ବାରସ୍ଥ ହୋଇଛନ୍ତି ।
ବିଗତ ୨୦୨୦-21 ମସିହାରେ ଗୋଲାମୁଣ୍ଡା ବ୍ଲକରେ ବର୍ଷା ଅଭାବ ଯୋଗୁଁ ଚାଷୀମାନଙ୍କ ଧାନ ଫସଲ ନଷ୍ଟ ହୋଇଥିଲା । ନଷ୍ଟ ହେବା ପୂର୍ବରୁ ପ୍ରଧାନମନ୍ତ୍ରୀ ଫସଲ ବୀମା ଯୋଜନାରେ ଚାଷୀମାନେ ଆବେଦନ କରିଥିଲେ । କିନ୍ତୁ ଗୋଲାମୁଣ୍ଡା ବ୍ଲକର ୧୩ ଗୋଟି ପଞ୍ଚାୟତ ମଧ୍ୟରୁ ୬ ଗୋଟି ପଞ୍ଚାୟତରେ ଚଳିତ ବର୍ଷ ଏପ୍ରିଲ ମାସରେ କ୍ଷତିପୂରଣ ସହାୟତା ରାଶି ଚାଷୀଙ୍କୁ ପ୍ରଦାନ କରାଯାଇଥିଲା ।
ଅନ୍ୟ ୭ଟି ପଞ୍ଚାୟତରେ କ୍ଷତିପୂରଣ ପାଇବାରେ ଟାଳଟୁଳ ନୀତି କରାଯାଇଥିବାରୁ ସୋମବାର କ୍ଷତିପୂରଣ ଦେବା ଦାବିରେ ଚାଷୀ କଳାହାଣ୍ଡି ଜିଲ୍ଲାପାଳଙ୍କୁ ଦାବିପତ୍ର ପ୍ରଦାନ କରିଛନ୍ତି । ତୁରନ୍ତ କ୍ଷତିପୂରଣ ଦେବାପାଇଁ ଚାଷୀମାନେ ଦାବି କରିଛନ୍ତି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
