ଢେଙ୍କାନାଳ: ନାଳ ପଠାରୁ ଯୁବକର ମୃତଦେହ ଠାବ । ରାସୋଲ ଥାନା ଅନ୍ତର୍ଗତ ବଡ ବାହାଳ ଗ୍ରାମ ନିକଟରେ ଯାଇଥିବା ବଡ଼ଜୋର ନାଳରୁ ଜଣେ ଯୁବକର ମୃତଦେହକୁ ଉଦ୍ଧାର କରାଯାଇଛି । ରାସୋଳ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଛି ।
ନାଳ ପଠାରୁ ଯୁବକର ମୃତ ଦେହ ଉଦ୍ଧାର,ବିଷାକ୍ତ ମଦ ମୃତ୍ୟୁ ସନ୍ଦେହ
ସୂଚନା ଅନୁଯାୟୀ ରାସୋଲ ଥାନା ଅନ୍ତର୍ଗତ ସ୍ଥାନୀୟ ବଡ଼ ବାହାଳ ଗ୍ରାମର ଟୁକୁନା ନାୟକ ଜଣେ ଦିନ ମଜୁରିଆ । ଗତକାଲିଠାରୁ ଘରୁ ବାହାରି ସେ ପାଖ କାରନ୍ଦI ଗ୍ରାମକୁ ଯାଇ ଆଉ ଘରକୁ ଫେରି ନଥିଲେ । ତେବେ ଆଜି ତାଙ୍କର ମୃତଦେହ ଗାଁ ପାଖ ବଦଜୋର ନାଳ ପାଖରୁ ମିଳିଛି ।
ପୋଲିସ ମୃତଦେହ ଜବତ କରି ତଦନ୍ତ ଆରମ୍ଭ କରିଛି । ମୃତ୍ୟୁର ସଠିକ କାରଣ ଜଣାପଡି ନାହିଁ। ତେବେ ପାଟିରୁ ରକ୍ତ ବାହାରୁ ଥିବାରୁ ବିଷାକ୍ତ ମଦ ପାନୀୟ ଯୋଗୁଁ ତାଙ୍କର ମୃତ୍ୟୁ ହୋଇଥିବା ସନ୍ଦେହ କରାଯାଇଛି । ପୋଲିସ ତଦନ୍ତ ଓ ମୃତଦେହ ବ୍ୟବଚ୍ଛେଦ ରିପୋର୍ଟରୁ ଏହା ସ୍ପଷ୍ଟ ହେବ ବୋଲି ଜଣାପଡିଛି ।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
