ବୌଦ୍ଧ: ଅସହାୟ ପରିବାରର ବୋଝ ମୁଣ୍ଡାଇଥିବା ଆଠ ବର୍ଷର ନାବାଳିକାର କରୁଣ କାହାଣୀ ସମ୍ପର୍କରେ ଇଟିଭି ଭାରତରେ ଖବର ପ୍ରସାରିତ ପରେ ବିଭିନ୍ନ ମହଲରୁ ସହାୟତା ମିଳିଛି । ଶୁକ୍ରବାର ଜିଲ୍ଲା ପ୍ରଶାସନ ତାଙ୍କ ନିଜ ଗ୍ରାମକୁ ପଠାଇବା ସମସ୍ତ ବ୍ୟବସ୍ଥା କରିଥିଲା ।
ବୌଦ୍ଧ ଜିଲ୍ଲା ହରଭଙ୍ଗାରେ ଏକ ଆଠ ବର୍ଷର ନାବାଳିକା ମିଲି କାଲିଗର ପିଠିରେ ପରିବାରର ବୋଝ ସମ୍ପର୍କରେ ଇଟିଭି ଭାରତରେ ଖବର ପ୍ରସାରଣ ପରେ ଜିଲ୍ଲା ତଥା ଜିଲ୍ଲା ବାହାରୁ ସହାୟତାର ହାତ ବଢିଥିଲା । ମିଲି ଓ ତାର ଦୁଇ ସାନ ଭାଇଙ୍କ ସହ ବାପା ଓ ମା । ତେବେ ମା ମାନସିକ ଭିନ୍ନକ୍ଷମ ହୋଇଥିବା ବେଳେ ବାପା ଦୁର୍ଘଟଣାରେ ପଡିରହିଥିଲେ । ଫଳରେ ପରିବାରର ସମ୍ପୂର୍ଣ୍ଣ ଦାୟିତ୍ବ ଏହି କୁନି ଝିଅ ଉପରେ ପଡିଥିଲା । ମାଗିଯାଚି ତଥା ପାଖ ପଡୋଶୀ ଙ୍କ ସହାୟତାରେ ପାଞ୍ଚ ପ୍ରାଣୀଙ୍କୁ ଏହି କୁନି ଝିଅ ବଞ୍ଚାଇ ରଖିଥିଲା ।ଏ ସମ୍ପର୍କରେ ଇଟିଭି ଭାରତରେ ପ୍ରଥମେ ତଥା ଅନୁସନ୍ଧାନ ମୂଳକ ଖବର ପ୍ରସାରିତ ପରେ ଜିଲ୍ଲା ପ୍ରଶାସନର ନଜରକୁ ଆସିଥିଲା ଓ ତାକୁ ସହାୟତା ଯୋଗାଇ ଦିଆଯାଇ ଥିଲା ।
ଏହା ମଧ୍ୟ ପଢନ୍ତୁ : ଆଠବର୍ଷ ଝିଅ ପାଖରେ ପହଞ୍ଚିଲା ପ୍ରଶାସନ
ଭୋକର ବିକଳ ଚିତ୍ର, ଆଠବର୍ଷର ନାବାଳିକା ପିଠିରେ ପରିବାରର ବୋଝ
ଶୁକ୍ରବାର ହରଭଙ୍ଗା ବିଡିଓ ରାଧାନଗର ଠାରେ ପହଞ୍ଚି ଏହି ଅସହାୟ ପରିବାରର ମୂଳ ସ୍ଥାନ ଦେବଗଡ଼ ଜିଲ୍ଲାକୁ ପଠାଇବା ବ୍ୟବସ୍ଥା କରିଥିଲେ । ପୂର୍ବରୁ ବିଡିଓ ଏନେଇ ସମସ୍ତ ପ୍ରସ୍ତୁତି ତଥା ସେମାନଙ୍କୁ କିଭଳି ଥଇଥାନ କରାଯିବ ସେନେଇ ଆଲୋଚନା ପରେ ସେମାନଙ୍କୁ ରାସନ ସାମଗ୍ରୀ, ପୋଷାକ, ଖାଦ୍ୟ ଓ ଅନ୍ୟ ଉପକରଣ ସହିତ ଗାଡିରେ ପଠାଇବା ବ୍ୟବସ୍ଥା କରିଥିଲେ । ବିଡିଓ ଏହି ଅବସରରେ ଇଟିଭି ଭାରତର ଉଦ୍ୟମକୁ ମଧ୍ୟ ବେଶ ପ୍ରଶଂସା କରିଥିଲେ ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ