ଲଣ୍ଡନ: ଇଂଲଣ୍ଡ ଗସ୍ତରେ ଥିବା ଭାରତୀୟ କ୍ରିକେଟ ଟିମର ମୁଖ୍ୟ କୋଚ ରବି ଶାସ୍ତ୍ରୀ COVID-୧୯ ପଜିଟିଭ ଚିହ୍ନଟ । ମାତ୍ର ଓଭାଲରେ ଖେଳାଯାଉଥିବା ଇଂଲଣ୍ଡ ବିପକ୍ଷ ଚତୁର୍ଥ ଟେଷ୍ଟ ଖେଳିବା ଜାରି ରଖିବାକୁ ଅନୁମତି ଲାଭ କରିଛି ଟିମ ଇଣ୍ଡିଆ । ଏନେଇ ରବିବାର ଟିମ ପକ୍ଷରୁ ଏକ ଘୋଷଣାନାମାରେ କୁହାଯାଇଛି ।
ବୋଲିଂ କୋଚ୍ ଭରତ ଅରୁଣ, ଫିଲ୍ଡିଂ କୋଚ୍ ଆର. ଶ୍ରୀଧର ଓ ଫିଜିଓଥେରାପିଷ୍ଟ ନୀତିନ ପଟେଲ ଆଇସୋଲେସନରେ ରହିଛନ୍ତି । ଚତୁର୍ଥ ଦିନ ମ୍ୟାଚ ଆରମ୍ଭର କିଛି ମିନିଟ୍ ପୂର୍ବରୁ ଶାସ୍ତ୍ରୀଙ୍କ ସଦ୍ୟତମ COVID ଟେଷ୍ଟ ରିପୋର୍ଟ ପଜିଟିଭ ଥିବା ଜଣାପଡିଥିଲା ।
ଶନିବାର ରାତ୍ରି ଓ ରବିବାର ସକାଳ ସମୟରେ ସମସ୍ତ ସଦସ୍ୟଙ୍କୁ ଦୁଇଟି ଲାଟେରାଲ ଫ୍ଲୋ ଟେଷ୍ଟର ସାମ୍ନା କରିବାକୁ ପଡିଛି । ଶନିବାର ସନ୍ଧ୍ୟାରେ ଶାସ୍ତ୍ରୀ ସାମ୍ନା କରିଥିବା ଯେଉଁ ସଦସ୍ୟଙ୍କ ରିପୋର୍ଟ ନେଗେଟିଭ ରହିଛି, ସେମାନଙ୍କୁ ଓଭାଲରେ ଜାରି ରହିଥିବା ଚତୁର୍ଥ ଟେଷ୍ଟର ଚତୁର୍ଥ ଦିନ ଖେଳିବା ନେଇ ଅନୁମତି ମିଳିଛି ।
ଭାରତ ଓ ଇଂଲଣ୍ଡ ମଧ୍ୟରେ ଖେଳାଯାଉଥିବା ୫ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ୧-୧ରେ ବରାବର ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
