ମହାଜାଗତିକ ଦୃଶ୍ୟ, ଚନ୍ଦ୍ରର ଅତି ନିକଟରେ ଦେଖାଯିବ ଶୁକ୍ର ଏବଂ ମଙ୍ଗଳ ଗ୍ରହ

ହାଇଦ୍ରାବାଦ: ଆଜି ସନ୍ଧ୍ୟାରେ ଦୃଶ୍ୟମାନ ହେବ ମହାଜାଗତିକ ଦୃଶ୍ୟ । ଚନ୍ଦ୍ରର ଅତି ନିକଟରେ ଦେଖାଯିବ ଶୁକ୍ର ଏବଂ ମଙ୍ଗଳ ଗ୍ରହ । ଆକାଶ ମେଘମୁକ୍ତ ରହିଲେ ଖାଲି ଆଖିରେ ଏହି ବିରଳ ମହାଜାଗତିକ ଦୃଶ୍ୟ ଦେଖି ହେବ । ଆଜି ପଶ୍ଚିମ ଆକାଶରେ ଶୁକ୍ର ଉଜ୍ବଳ ଏବଂ ମଙ୍ଗଳ ଗ୍ରହ ଲାଲ ରଙ୍ଗର ଦେଖାଯିବ । ତେବେ ଆଜି ଚନ୍ଦ୍ର ସହ ଶୁକ୍ର ଏବଂ ମଙ୍ଗଳ ଗ୍ରହର କୌଣିକ ଦୂରତା କମ ଦୂରତା ରହିବ । କିନ୍ତୁ ଆସନ୍ତାକାଲି ଠାରୁ ଏହି ଦୂରତା ବୃଦ୍ଧି ପାଇବ। ଆଜି କୌଣିକ ଦୂରତା 2ରୁ 4 ଡିଗ୍ରୀ ରହିବାରୁ ଅତି ନିକଟତର ଦେଖାଯିବେ। କିନ୍ତୁ ଆସନ୍ତାକାଲି ଏହି ଦୂରତା ବୃଦ୍ଧି ପାଇଁ 15ରୁ 17 ଡିଗ୍ରୀ ହୋଇପାରେ । ତେଣୁ ଦୂରତା ବଢିପାରେ । ତେବେ ଆକାଶ ମେଘ ମୁକ୍ତ ରହିଲେ ଓଡିଶା ତଥା ଭାରତର ସବୁ ଅଞ୍ଚଳରେ ଏହି ଜାଗତିକ ଦୃଶ୍ୟ ଦେଖିହେବ ।

ଏହା ମଧ୍ୟ ପଢନ୍ତୁ: Longest Day 2023: ଆଜି ବର୍ଷର ସବୁଠାରୁ ଲମ୍ବା ଦିନ, ୧୪ ଘଣ୍ଟା ପରେ ନଇଁବ ସଞ୍ଜ

ଆଜି ଶୁକ୍ରର ପ୍ରାୟ 2ରୁ 4 ଡିଗ୍ରୀ ଉପରେ ଫିକା ଲାଲ ରଙ୍ଗର ମଙ୍ଗଳଗ୍ରହ ରହିବ । ଏହା ଖାଲି ଆଖିରେ ମଧ୍ୟ ଦେଖିହେବ । ଏହା ଏକ ବିରଳ ତଥା ସୁନ୍ଦର ମହାଜାଗତିକ ଦୃଶ୍ୟ । ଜୁନମାସ ଶେଷ ସପ୍ତାହରୁ ଜୁଲାଇ ମାସ ଶେଷ ଯାଏଁ ପ୍ରତିଦିନ ସନ୍ଧ୍ୟାରେ ଏହି ଦୃଶ୍ୟ ଦେଖିହେବ । ଜୁନ୍ ମାସ ଶେଷ ସପ୍ତାହରୁ ଜୁଲାଇ ମାସ ୩୦ ତାରିଖ ଯାଏଁ ସବୁଦିନ ସଂଧ୍ୟା ୭ଟାରୁ ୮ଟା ପ୍ରାୟ ଏକ ଘଣ୍ଟା ଧରି ଶୁକ୍ର ଓ ମଙ୍ଗଳ ଗ୍ରହକୁ ମଧ୍ୟ ଖାଲି ଆଖିରେ ପଶ୍ଚିମ ଆକାଶରେ ଦେଖିହେବ। ଜୁଲାଇ 28 ତାରିଖରେ ଶୁକ୍ର ଗ୍ରହକୁ ଦୂରବୀକ୍ଷଣ ଯନ୍ତ୍ର ସାହାଯ୍ୟରେ ଦେଖିଲେ ଏହା ଦ୍ବିତୀୟ ଚନ୍ଦ୍ର ପରି ଦେଖାଯିବ । ଏହା ଅର୍ଥ ଚନ୍ଦ୍ରର ଆକାର ବଙ୍କୁଲି ଦେଖାଯିବ । କାରଣ ଚନ୍ଦ୍ର କଳାର ହ୍ରାସ ବୃଦ୍ଧି ପରି ଶୁକ୍ର ଗ୍ରହର ମଧ୍ୟ କଳାର ହ୍ରାସ ବୃଦ୍ଧି ପାଇଥାଏ । ଯାହାକି ଖାଲି ଆଖିରେ ଦେଖିହେବ ନାହିଁ । କିଛି ଦିନ ବ୍ଯବଧାନରେ ଶୁକ୍ର ଗ୍ରହକୁ ଖାଲି ଆଖିରେ ଦେଖିହେବ ।

କହିରଖୁଛି କି, ଗତ ମାର୍ଚ୍ଚ 1ରେ ସୌର ଜଗତର ଦୁଇ ଚମକଦାର୍ ଗ୍ରହ ବୃହସ୍ପତି ଓ ଶୁକ୍ର ନିକଟତର ହୋଇଥିଲେ । ସମଗ୍ର ବିଶ୍ବରେ ଏହି ଦୃଶ୍ୟ ଦେଖିବାକୁ ମିଳିଥିଲା । ପଶ୍ଚିମ ଆକାଶରେ ସନ୍ଧ୍ୟା ୬.୧୫ଟାରୁ ୭.୧୫ ମଧ୍ୟରେ ଦୃଶ୍ୟମାନ ହୋଇଥିଲା । ୨ରୁ ୩ ବର୍ଷ ପରେ ଏହିପରି ବିରଳ ମହାଜାଗତିକ ଦୃଶ୍ୟ ଦେଖିବାକୁ ମିଳିଥିଲା ।

ବ୍ୟୁରୋ ରିପୋର୍ଟ, ଇଟିଭି ଭାରତ