କାଠମାଣ୍ଡୁ: ନେପାଳ ତାରା ଏୟାରଲାଇନ୍ସର 9N-AET ବିମାନ ନିଖୋଜ ଘଟଣା । ସମସ୍ତ ୨୨ ଯାତ୍ରୀଙ୍କ ମୃତ୍ୟୁ ହୋଇଥିବା ଅନୁମାନ କରାଯାଉଛି । ଆଜି ମୁସ୍ତୁଙ୍ଗା ଜିଲ୍ଲାରୁ ବିମାନର ଭଗ୍ନାବଶେଷ ମିଳିବା ପରେ 16ଜଣଙ୍କ ମୃତଦେହ ଉଦ୍ଧାର କରିଛି ନେପାଳ ସେନା । ଏହି ଭୟଙ୍କର ଦୁର୍ଘଟଣାରେ ସମସ୍ତ ଯାତ୍ରୀଙ୍କ ମୃତ୍ୟୁ ଘଟିଥିବା ସନ୍ଦେହ କରାଯାଉଛି ବୋଲି ଗୃହମନ୍ତ୍ରଣାଳୟ ପକ୍ଷରୁ ସୂଚନା ଦିଆଯାଇଛି । ତେବେ ବର୍ତ୍ତମାନ ସୁଦ୍ଧା 16 ଜଣଙ୍କ ମୃତଦେହ ଉଦ୍ଧାର କରାଯାଇଛି ।
ଏହା ମଧ୍ୟ ପଢନ୍ତୁ:-Nepal aircraft Missing: ତୁଷାରପାତ ପାଇଁ ସର୍ଚ୍ଚ ଓ ଉଦ୍ଧାର ଅପରେସନ ବନ୍ଦ
ଗତକାଲି ବିମାନଟିରେ ୪ ଭାରତୀୟ ଓ କିଛି ବିଦେଶୀ ନାଗରିକଙ୍କ ସମେତ ମୋଟ ୨୨ ଯାତ୍ରୀଙ୍କୁ ନେଇ ଉଡାଣ ଭରିଥିଲା । ମାତ୍ର ୧୫ ମିନିଟ ପରେ ବିମାନ ବନ୍ଦର ରାଡାରର ଯୋଗାଯୋଗ ବିଚ୍ଛିନ୍ନ ହୋଇଥିଲା । ଯାତ୍ରୀଙ୍କ ମଧ୍ୟରେ ଥିବା ୪ ଭାରତୀୟ ଓଡିଶାର ଓ ସମସ୍ତେ ଗୋଟିଏ ପରିବାରର ହୋଇଥିବା ନେଇ ମଧ୍ୟ ସୂଚନା ମିଳିଥିଲା । ନିଖୋଜ ହୋଇଥିବା ୪ ଜଣ ହେଉଛନ୍ତି ଅଶୋକ ତ୍ରିପାଠୀ, ବୈଭବୀ ୱାଣ୍ଡେକର, ଧନ୍ୟଶ୍ୟ ତ୍ରିପାଠୀ, ହ୍ରିତିକା ତ୍ରିପାଠୀ ।
ଗତକାଲି ବିମାନଟି କାଠମାଣ୍ଡୁରୁ ୨୦୦ କିଲୋମିଟର ପୂର୍ବରେ ପୋଖରାରୁ ସକାଳ ୧୦ଟା ୧୫ରେ ଯାତ୍ରା ଆରମ୍ଭ କରିଥିଲା । ମାତ୍ର ଉଡାଣର କେଇ ମିନିଟ ମଧ୍ୟରେ ଯୋଗାଯୋଗ ହୋଇପାରିନଥିଲା ।
