ଭୁବନେଶ୍ବର: ରାଜ୍ୟରେ କୋରୋନା ସଂକ୍ରମଣ କମୁଛି, ମାତ୍ର ଆମେ ସ୍ଥିତି ଉପରେ ନଜର ରଖୁଛୁ । ପଡୋଶୀ ଛତିଶଗଡ଼ରେ ସଂକ୍ରମଣ କିଛିଟା ବଢ଼ିଛି । ତେଣୁ ନୂଆପଡ଼ା ଉପରେ ଆମେ ସ୍ବତନ୍ତ୍ର ଭାବେ ନଜର ରଖିଛୁ । ଆମକୁ ସଜାଗ ରହିବାକୁ ହେବ । ସରକାର ସମସ୍ତ ଦିଗକୁ ଦୃଷ୍ଟି ଦେଇ ୧୬ ତାରିଖରେ ସରିବାକୁ ଥିବା ଲକଡାଉନ ଉପରେ ନିଷ୍ପତ୍ତି ନେବେ । ବଙ୍ଗଳା ସୀମାକୁ ଯଦିଓ କିଛି ଦରକାର ହୋଇନାହିଁ, ମାତ୍ର ଆମେ ତାହା ପାଇଁ ବି ସଜାଗ ରହିଛୁ ।
ନିୟମ କୋହଳ କରିବା ପରେ ବି କିଛିଟା କଣ୍ଟ୍ରୋଲ ମେଜର ରଖିବାକୁ ହେବ । ସବୁ ତଥ୍ୟକୁ ଆନାଲାଇଜ କରାଯାଇ ସରକାରଙ୍କୁ ଦିଆଯାଉଛି । ସରକାର ଯଥା ସମୟରେ ଠିକ ପଦକ୍ଷେପ ନେବେ । ରାଜ୍ୟରେ ବହୁ ଜିଲ୍ଲାରେ ସଂକ୍ରମଣ କମିଥିଲେ ସ୍ଥିତି ସମ୍ପୂର୍ଣ୍ଣ ନିୟନ୍ତ୍ରଣକୁ ଆସିନାହିଁ । କଟକ, ଭୁବନେଶ୍ୱର, ବାଲେଶ୍ଵର ଓ ମୟୂରଭଞ୍ଜ ଭଳି ଜିଲ୍ଲାରେ ସଂକ୍ରମଣ ଅଧିକ ରହୁଛି ।
ତେଣୁ ତାହା ଆମକୁ ପଦକ୍ଷେପ ନେବାକୁ ପଡ଼ିବ । ଵିଶେଷ କରି ଭୁବନେଶ୍ୱର ଓ କଟକର ସଂକ୍ରମଣ କେମିତି କମିବ ତାହା ସ୍ୱତନ୍ତ୍ର ପଦକ୍ଷେପ ନିଆଯିବ । ସଂକ୍ରମଣ ବଢିବାର ମୁଖ୍ୟ କାରଣ ହେଉଛି ବାହାର ଲୋକଙ୍କ ଯାତାୟାତ ଓ କିଛି ସ୍ଥାନରେ ଲୋକଙ୍କ ଭିଡ଼ ଯାହା ହେବା କଥା ନୁହେଁ ।
ଯେହେତୁ ମ୍ୟୁଟେସନ ହେଉଛି, ତେଣୁ ଏହା କମିବା ବଦଳରେ ବଢୁଛି ବା ସ୍ଥିର ରହୁଛି । ମାତ୍ର 3ୟ ଲହର ଆସୁ କି ନ ଆସୁ ଆମେ ସର୍ଭେଲାନ୍ସ ଓ ଟୀକାକରଣ ଜାରି ରହିବ ଟ୍ରିଟମେଣ୍ଟ କ୍ଷମତାକୁ ମଧ୍ୟ ବଢ଼ାଇବୁ ହେବ ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
