ଭୁବନେଶ୍ବର: ରାଜ୍ୟରେ କୃଷି ଓ କୃଷକର ବିକାଶ କ୍ଷେତ୍ରରେ ସରକାର ବିଭିନ୍ନ ଉନ୍ନୟନମୂଳକ ଯୋଜନାମାନ ଆଣୁଛନ୍ତି । ହେଲେ କୃଷି କ୍ଷେତ୍ରରେ ରାଜ୍ୟ କେତେ ଆଗେଇଛି, କୃଷକର ମାସିକ ଆୟ କେତେ ସେନେଇ ଜାତୀୟ ସେବା ଯୋଜନା (NSS) ରିପୋର୍ଟ ଆଧାରରେ ସ୍ପଷ୍ଟ ଜଣାପଡିବା ପରେ ବିରୋଧୀ ରାଜ୍ୟ ସରକାରଙ୍କୁ ସମାଲୋଚନା ମଧ୍ୟ କରିଥିଲେ । ଏବେ ରାଜ୍ୟ ସରକାରଙ୍କ ତରଫରୁ ଅକ୍ଟୋବର 8 ତାରିଖରୁ କୃଷି କନକ୍ଲେଭ ୨୦୨୧ର ଆୟୋଜନ କରିବା ପାଇଁ ଏଥିରେ ବାହାର ରାଜ୍ୟରୁ ବଡ଼ ବଡ଼ ନିବେଶକଙ୍କୁ ନିମନ୍ତ୍ରଣ କରିଛନ୍ତି ।
ତେବେ ରାଜ୍ୟର କୃଷି କ୍ଷେତ୍ରରେ ଉନ୍ନତି ଆଣିବାକୁ ଗୁଣାତ୍ମକ ମାନର ବିହନ, ସାର, ଚାଷର ଗୁଣାତ୍ମକ ପଦ୍ଧତି, ଆଧୁନିକ ଶୈଳୀ, କୃଷି କ୍ଷେତ୍ରରେ ଗବେଷଣା ଭଳି ପନ୍ଥା ଆପଣେଇବା ପାଇଁ ସରକାର ଲକ୍ଷ୍ୟ ରଖିଥିବା ବେଳେ କଂଗ୍ରେସ ଏହାକୁ କଟାକ୍ଷ କରିଛି । ସେପଟେ କଂଗ୍ରେସ ନେତା ଦେବାଶିଷ ପଟ୍ଟନାୟକ ରାଜ୍ୟ ସରକାରଙ୍କୁ ତାଚ୍ଛଲ୍ୟ କରିଛନ୍ତି ।
ସେ କହିଛନ୍ତି କି ଚାଷୀର ଆୟ ସର୍ବନିମ୍ନ ଆଉ ଅନ୍ୟ ରାଜ୍ୟ ମାନଙ୍କ ତୁଳନାରେ ଓଡ଼ିଶାରେ ଚାଷୀର ଆୟ ବହୁତ କମ । ଯାହାକି ସରକାର ବିଭିନ୍ନ ଯୋଜନାରେ କୃଷକଙ୍କୁ ଠକିଛନ୍ତି । ତେବେ ସରକାର ଚାଷୀଙ୍କ ସୁବିଧା ପାଇଁ କଣ ସବୁ ପଦକ୍ଷେପ ମାନ ଗ୍ରହଣ କରିଛନ୍ତି ସେନେଇ ସରକାରଙ୍କୁ ପ୍ରଶ୍ନ କରିଛନ୍ତି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
