ନୂଆଦିଲ୍ଲୀ: ଲଗାତାର ହ୍ରାସ ପରେ ମଙ୍ଗଳବାର ସୁନା ଦାମ ବୃଦ୍ଧି ହୋଇଛି । ବୈଶ୍ବିକ ବଜାରରେ ସୁନା ଦାମ ବଢିବା ପରେ ଘରୋଇ ବଜାରରେ ଏହାର ପ୍ରଭାବ ଦେଖିବାକୁ ମିଳିଛି । ଏଚଡିଏଫସି ସିକ୍ୟୁରିଟିଜ ଏ ନେଇ ସୂଚନା ଦେଇଛି ।
ଏଚଡିଏଫସି ସିକ୍ୟୁରିଟିଜ ଅନୁସାରେ ଆଜି 10 ଗ୍ରାମ ସୁନା ଦାମ 337 ଟଙ୍କା ବଢି 46,372 ଟଙ୍କାରେ ପହଞ୍ଚିଛି । ଗତ କାରବାର ଦିବସ ଅର୍ଥାତ ସୋମବାର ମୂଲ୍ୟବାନ ଧାତୁ ସୁନା ଦାମ 10 ଗ୍ରାମ ପ୍ରତି 46,035 ଟଙ୍କାରେ ବନ୍ଦ ହୋଇଥିଲା ।
ସେହିଭଳି ରୂପା ଦାମ ମଙ୍ଗଳବାର କିଲୋ ପ୍ରତି 1,149 ଟଙ୍କା ବୃଦ୍ଧି ହୋଇ 69,667 ଟଙ୍କାରେ ପହଞ୍ଚିଛି । ଗତ କାରବାର ଦିବସରେ ରୂପା ଦାମ କିଲୋ ପିଛା 68,518 ଟଙ୍କା ଅଛି । ଏଚଡିଏଫସି ସିକ୍ୟୁରିଟିଜର ବରିଷ୍ଠ ବିଶ୍ଲେଷକ ତପନ ପଟେଲ କହିଛନ୍ତି କି, ‘‘ 24 କ୍ୟାରେଟ ସ୍ପଟ ସୁନା ଦାମ 337 ଟଙ୍କା ବଢିଛି । ଆଉ ଏହାର କାରଣ ହେଉଛି ବୈଶ୍ବିକ ବଜାରରେ ସୁନା ଦାମ ବୃଦ୍ଧି ।
ଅନ୍ତରାଷ୍ଟ୍ରୀୟ ବଜାରରେ ସୁନା ଦାମ ଏବେ ଆଉନ୍ସ ପ୍ରତି 1,808 ଡଲାରରେ କାରବାର କରୁଛି । ସେପଟେ ରୂପା ଆଉନ୍ସ ପିଛା 28.08 ଡଲାର ଅଛି ।
