ନୂଆଦିଲ୍ଲୀ: ଆସନ୍ତାକାଲି(ମଙ୍ଗଳବାର) ଭାରତ ବନ୍ଦ ଡାକରା ଦେଇଛନ୍ତି କୃଷକ ସଂଗଠନ । ଅଖ ଚକ ବନ୍ଦ କରିବେ ଚାଷୀ । ନୂତନ କୃଷି ଆଇନ ବିରୋଧରେ ଗତ 11 ଦିନ ହେଲା ରାଜରାସ୍ତାରେ ଗର୍ଜୁଛନ୍ତି ଅନ୍ନଦାତା । ଏପଟେ ଦେଶରେ କଣ ରହିବ ଭାରତ ବନ୍ଦର ପ୍ରଭାବ । କେଉଁ କେଉଁ ସେବାକୁ ବନ୍ଦରୁ ବାଦ୍ ଦିଆଯାଇଛି । ଜାଣନ୍ତୁ...
ଆସନ୍ତକାଲି(ମଙ୍ଗଳବାର) କୃଷକ ସଂଗଠନ ପକ୍ଷରୁ ବନ୍ଦ ଡାକରା ଦିଆଯାଇଛି । ଏହି ବନ୍ଦକୁ ସମର୍ଥନ ଜଣାଇଛନ୍ତି ଅନେକ ସଙ୍ଗଠନ । ସକାଳ 8ଟାରୁ ହେବାକୁ ଥିବା ଏହି ଧର୍ମଘଟ ସନ୍ଧ୍ୟା ପର୍ଯ୍ୟନ୍ତ ଜାରି ରହିବ । ଏହି ବନ୍ଦ ସମୟରେ ଦୋକାନ ବଜାର, ଅନ୍ୟାନ୍ୟ ବ୍ୟବସାୟ ବନ୍ଦ ରହିବ । ସେହିପରି ହରିୟାଣା, ପଞ୍ଜାବ ଓ ରାଜସ୍ଥାନରେ ସମସ୍ତ ମଣ୍ଡି ବନ୍ଦ ରହିବ । କିନ୍ତୁ ବିବାହ କାର୍ଯ୍ୟକ୍ରମକୁ ଅନୁମତି ଦିଆଯାଇଛି । ଆମ୍ବୁଲାନ୍ସ ସେବା ଭଳି ଜରୁରୀକାଳୀନ ସେବାକୁ ବନ୍ଦରୁ ବାଦ୍ ଦିଆଯାଇଛି ।
କୃଷକ ନେତା ବଳଦେବ ସିଂହ କହିଛନ୍ତି, ଏହି ବନ୍ଦ ପାଳନ ଶାନ୍ତିପୂର୍ଣ୍ଣ ଭାବେ କରାଯିବ । ଆନ୍ଦୋଳନରେ କୌଣସି ହିଂସାକୁ ପ୍ରଶୟ ଦିଆଯିବ ନାହିଁ । ଭାରତ ବନ୍ଦରେ ଯେଉଁମାନେ ହିଂସାତ୍ମକ କାର୍ଯ୍ୟ କରିବାକୁ ଚେଷ୍ଟା କରିବେ ତାଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ନିଆଯିବ ।
