Mahesh Babu Birthday : अभिनयाच्या जोरावर महेश बाबूने गाजवले साऊथ चित्रपटसृष्टीत नाव....

महेश बाबू आज आपला वाढदिवस साजरा करत आहे. या खास दिवसानिमित्त आम्ही तुम्हाला काही विशेष गोष्टी महेश बाबूबद्दल सांगणार आहोत.

मुंबई : साऊथ सुपरस्टार महेश बाबू आज खूप लोकप्रिय आहे. आपल्या दमदार अभिनयाच्या जोरावर त्यांने स्वत:ची खास ओळख चित्रपटसृष्टीत निर्माण केली आहे. महेश बाबू हा साऊथ चित्रपटांतील सर्वात यशस्वी अभिनेत्यांपैकी एक आहे. टॉलिवूडचा प्रिन्स म्हणून त्यांची ओळख चित्रपसृष्टीत आहे. महेश बाबूची क्रेझ केवळ दक्षिण भारतातच नाही तर संपूर्ण देशात पाहायला मिळते. चित्रपटसृष्टीत त्याने अनेक ब्लॉकबस्टर चित्रपट दिले आहेत. चाहते त्याच्या चित्रपटांची आतुरतेने वाट पाहत असतात. जेव्हाही तो मोठ्या पडद्यावर एन्ट्री करतो तेव्हा संपूर्ण थिएटर टाळ्या आणि शिट्ट्यांनी गुंजते. आज महेश बाबू त्याचा ४८वा वाढदिवस साजरा करत आहे. या खास दिवसानिमित्त जाणून घेऊया त्याच्याबद्दल काही रंजक गोष्टी....

महेश बाबूचा वाढदिवस : महेश बाबूचा जन्म ९ ऑगस्ट १९७५ रोजी चेन्नईमध्ये साऊथ इंडस्ट्रीतील प्रसिद्ध अभिनेता निर्माता-दिग्दर्शक शिवा राम कृष्ण घट्टमनेनी यांच्या घरी झाला. बालकलाकार म्हणून महेश बाबूने आपल्या कारकिर्दीला सुरुवात केली. त्याने वयाच्या चौथ्या वर्षी 'नीदा' चित्रपटात काम केले होते. त्यांनंतर महेश बाबूने हिरो म्हणून 'राजकुमारुडू' या चित्रपटातून करिअरला सुरुवात केली. या चित्रपटाद्वारे त्याने टॉलिवूडमध्ये पदार्पण केले.

इतके मिळाले पुरस्कार : महेश बाबूचे बालपण मद्रासमध्ये त्याच्या आजीसोबत गेले. त्यांने चेन्नईच्या कॉलेजमधून वाणिज्य शाखेत पदवी संपादन केली. पदवीनंतर महेश बाबूने अभिनय प्रशिक्षणासाठी दिग्दर्शक एल सत्यानंद यांना भेटले. त्यानंतर काही दिवस महेश बाबूने त्याच्याकडून अभिनयाचे शिक्षण घेतले. महेश बाबूला आता देखील तेलुगू लिहिता-वाचता येत नाही. मात्र ते तेलुगूमध्ये संवाद करू शकतात. महेश बाबूला अभिनयासाठी आठ 'नंदी पुरस्कार', पाच 'फिल्मफेअर दक्षिण पुरस्कार', चार 'दक्षिण भारतीय आंतरराष्ट्रीय' 'चित्रपट पुरस्कार', आणि एक 'आयफा उत्सव पुरस्कार' मिळाले आहेत.

महेश बाबू घेतले गाव दत्तक : महेश बाबू अभिनयासोबतच चित्रपट निर्मितीच्या जगतात देखील सक्रिय आहेत. महेश बाबूचे महेश बाबू एंटरटेन्मेंट नावाचे प्रोडक्शन हाऊस आहे. यावर्षी मेजर संदीप उन्नीकृष्णन यांचा बायोपिक 'मेजर' त्यांच्याच प्रोडक्शन हाऊसच्या बॅनरखाली बनलेला चित्रपट होता, ज्यामध्ये आदिवी शेषने मुख्य भूमिका साकारली होती. महेश बाबू अभिनय आणि चित्रपट निर्मितीसोबतच सामाजिक कार्यातही सक्रिय असतात. त्यांचे हील-ए-चाइल्ड नावाचे एक एनजीओ आहे. याशिवाय महेश बाबूने दोन गावेही दत्तक घेतली आहेत.

मोस्ट डिझायरेबल मॅन ऑफ टाइम्स : 'वामसी' चित्रपटाच्या शूटिंगदरम्यान महेश बाबू हा नम्रता शिरोडकरला डेट करत होता. चार वर्षांच्या अफेअरनंतर नम्रता आणि महेश बाबूने लग्न करण्याचा निर्णय घेतला. १० फेब्रुवारी २००५ रोजी दोघांचे लग्न झाले. स्टाईल आणि लूकच्या बाबतीत महेश बाबू कुणापेक्षा कमी नाही. वर्ष २०१३ मध्ये, महेश बाबूने, शाहरुख, आमिर आणि सलमानला मागे टाकून पहिले स्थान पटकावून मोस्ट डिझायरेबल मॅन ऑफ टाइम्स बनला होता.

हेही वाचा :

1. Kangana Ranaut Vs Javed Akhtar : अभिनेत्री कंगना प्रकरणात जावेद अख्तर यांची दिंडोशी सत्र न्यायालयात धाव; न्यायालयाने दिले कंगनाला निर्देश