ದುಬೈ: ಟಿ20 ವಿಶ್ವಕಪ್ ಸೂಪರ್ 12 ಬಿ ಗುಂಪಿನ 32ನೇ ಪಂದ್ಯದಲ್ಲಿ ಸ್ಕಾಟ್ಲೆಂಡ್ ವಿರುದ್ಧ ಬಲಿಷ್ಠ ನ್ಯೂಜಿಲ್ಯಾಂಡ್ ತಂಡ 16 ರನ್ಗಳ ಭರ್ಜರಿ ಜಯ ಸಾಧಿಸಿದೆ.
ಟಾಸ್ ಸೋತು ಬ್ಯಾಟಿಂಗ್ ಮಾಡಿದ್ದ ನ್ಯೂಜಿಲ್ಯಾಂಡ್ ನಿಗದಿತ 20 ಓವರ್ಗಳಲ್ಲಿ 172 ರನ್ ದಾಖಲಿಸಿತ್ತು. ಈ ಮೊತ್ತವನ್ನು ಬೆನ್ನಟ್ಟಿದ್ದ ಸ್ಕಾಟ್ಲೆಂಡ್ 20 ಓವರ್ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 156 ರನ್ ಗಳಿಸಲಷ್ಟೇ ಶಕ್ತವಾಯಿತು.
ಸ್ಕಾಟ್ಲೆಂಡ್ ಪರ ಓಪನರ್ ಆಗಿ ಕಣಕ್ಕಿಳಿದ ಜಾರ್ಜ್ ಮುನ್ಸೆ, ಕೈಲೀಟ್ಜರ್ ಮೊದಲ ವಿಕೆಟ್ಗೆ 21 ರನ್ಗಳ ಜೊತೆಯಾಟವಾಡಿದರು. ಕೈಲೀಟ್ಜರ್ 17 ರನ್ ಗಳಿಸಿದಾಗ ಬೌಲ್ಟ್ಗೆ ಬಲಿಯಾದರು. ಜಾರ್ಜ್ ಮುನ್ಸೆ 22, ಮ್ಯಾಥ್ಯೂ ಕ್ರಾಸ್ 27, ರಿಚಿ ಬೆರಿಂಗ್ಟನ್ 20, ಕ್ಯಾಲಮ್ ಮ್ಯಾಕ್ಲಿಯೋಡ್ 12 ರನ್ಗಳಿಸಿ ಔಟಾದರು.
ಅಂತಿಮ ಹಂತದಲ್ಲಿ ಕ್ರಿಸ್ ಗ್ರೀವ್ಸ್ (8)*, ಮೈಕೆಲ್ ಲೀಸ್ಕ್ (42)* ಅಬ್ಬರದ ಬ್ಯಾಟಿಂಗ್ ಆಡಿದರು. ಆದರೂ ತಂಡಕ್ಕೆ ಗೆಲುವು ತಂದುಕೊಡುವಲ್ಲಿ ವಿಫಲರಾದರು. ಮೈಕೆಲ್ ಲೀಸ್ಕ್ ಈ ಇನ್ನಿಂಗ್ಸ್ನಲ್ಲಿ ಕೇವಲ 20 ಬೌಲ್ಗಳಲ್ಲಿ 3 ಬೌಂಡರಿ, 3 ಸಿಕ್ಸರ್ ನೆರವಿನಿಂದ 42 ರನ್ಗಳಿಸಿ ಅಜೆಯರಾಗುಳಿದರು. ಸ್ಕಾಟ್ಲೆಂಡ್ ಅಂತಿಮವಾಗಿ 20 ಓವರ್ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 156 ರನ್ ಗಳಿಸಿತು.
ನ್ಯೂಜಿಲ್ಯಾಂಡ್ ಪರ ಉತ್ತಮ ಬೌಲಿಂಗ್ ಮಾಡಿದ ಟಿಮ್ ಸೌಥಿ 1 ಹಾಗೂ ಇಶ್ ಸೌಧಿ, ಟ್ರೆಂಟ್ ಬೌಲ್ಟ್ ತಲಾ 2 ವಿಕೆಟ್ ಪಡೆದು ಮಿಂಚಿದರು.
