ನವದೆಹಲಿ: ಒಂದು ವಾರಗಳ ಕಾಲ (ಸೆಪ್ಟೆಂಬರ್ 21ರಿಂದ 27ರವರೆಗೆ) ಅಮೆರಿಕ ಪ್ರವಾಸ ಕೈಗೊಂಡಿರುವ ಪ್ರಧಾನಿ ನರೇಂದ್ರ ಮೋದಿ ಅವರಿಗೆ ಬಿಲ್ ಆ್ಯಂಡ್ ಮಿಲಿಂದ್ ಫೌಂಡೇಷನ್ 2019ರ ಸಾಲಿನ 'ಗ್ಲೋಬಲ್ ಗೋಲ್‌ಕೀಪರ್ಸ್ ಗೋಲ್ಸ್ ಅವಾರ್ಡ್' ನೀಡಿ ಗೌರವಿಸಲಿದೆ.
ಪ್ರಧಾನಿ ಮೋದಿ ನಾಳೆ ದೆಹಲಿಯಿಂದ ಅಮೆರಿಕಗೆ ಪ್ರಯಾಣ ಬೆಳೆಸಲಿದ್ದಾರೆ. ಇದಕ್ಕೂ ಮೊದಲು ಮಾತನಾಡಿದ ಅವರು, ಮುಂಬರುವ ಅಮೆರಿಕ ಭೇಟಿಯು ಭಾರತಕ್ಕೆ ಹಲವು ಅವಕಾಶಗಳನ್ನು ತೆರದಿಡಲಿದೆ. ಜಾಗತಿಕ ನಾಯಕತ್ವ ಮತ್ತು ದ್ವಿಪಕ್ಷೀಯ ಬಾಂಧವ್ಯವನ್ನು ಇನ್ನಷ್ಟು ವೃದ್ಧಿಸಲಿದೆ ಎಂಬ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಭಾರತ-ಅಮೆರಿಕದ ನಡುವೆ ಇಂಧನ ಸಹಭಾಗಿತ್ವವನ್ನು ಹೆಚ್ಚಿಸುವ ಉದ್ದೇಶದಿಂದ ಅಲ್ಲಿನ ಪ್ರಮುಖ ತೈಲ ಕಂಪನಿಗಳ ಸಿಇಒಗಳೊಂದಿಗೆ ಸಂವಹನ ನಡೆಸಲಿದ್ದೇನೆ. ಇಂಧನ ಕ್ಷೇತ್ರವು ಪರಸ್ಪರರಿಗೆ ಲಾಭದಾಯಕ ಸಹಕಾರದ ಹೊಸ ವಲಯವಾಗಿ ಹೊರಹೊಮ್ಮಲಿದೆ. ಇದು ನಮ್ಮ ದ್ವಿಪಕ್ಷೀಯ ಸಂಬಂಧದ ಪ್ರಮುಖ ಅಂಶವಾಗಿದೆ ಎಂದು ಪ್ರಧಾನಿ ತಿಳಿಸಿದ್ರು.
