বাংলাদেশৰ ঘটনা লৈ উত্তপ্ত সুতাৰকান্দি আন্তৰ্জাতিক সীমান্ত

বাংলাদেশত হিন্দু মন্দিৰ আৰু সংখ্যালঘু হিন্দু ওপৰত কৰা অমানৱীয় আক্ৰমণৰ প্ৰতিবাদত সোমবাৰে হিন্দু জাগৰণ মঞ্চই কৰিমগঞ্জ জিলাৰ ভাৰত বাংলাদেশ সীমান্তৰ সুতাৰকান্দি আন্তঃৰাষ্ট্ৰীয় বাণিজ্যিক কেন্দ্ৰত বিক্ষোভ প্ৰদৰ্শন কৰে । প্ৰতিবাদকাৰীসকলে বাংলাদেশৰ এই অমানৱীয় ঘটনাৰ নিন্দা জনাই হাচিনা চৰকাৰক তীব্ৰ ভাষাৰে গৰিহণা দিয়ে । প্ৰতিবাদকাৰীসকলে এই প্ৰতিবাদৰ জৰিয়তে বাংলাদেশৰ লগত সুতাৰকান্দিৰ আন্তৰ্জাতিক বাণিজ্য এদিনৰ বাবে স্তব্ধ কৰি দিয়ে ৷ তেওঁলোকে লগতে বাংলাদেশত হিন্দু ওপৰত হোৱা অত্যাচাৰ শীঘ্ৰে বন্ধ নহ’লে ৰাষ্ট্ৰখনৰ লগতে আন্তৰ্জাতিক বাণিজ্য অনিৰ্দিষ্টকাললৈ বন্ধ কৰি দিয়াৰ হুংকাৰ দিয়ে ৷