স্মাৰ্ট আৰক্ষীক চেলেঞ্জ কৰি বিদ্যালয়ৰ পৰা চোৰে নিলে কম্পিউটাৰৰ অংশ

মহানগৰীত দিনক দিনে বৃদ্ধি পাইছে চুৰিকাণ্ডৰ ঘটনা (Theft in Guwahati)। স্মাৰ্ট আৰক্ষীৰ দূৰ্বলতাৰ সুযোগ লৈ মহানগৰীৰ বিভিন্ন অঞ্চলত সংঘটিত হৈছে চুৰিকাণ্ডৰ ঘটনা । এইবাৰ চোৰৰ টাৰ্গেট নাৰেংগীৰ এখন বিদ্যালয়(Narengi High School) । নুনমাটি আৰক্ষী থানাৰ(Noonmati Police Station) অন্তৰ্গত নাৰেংগী হাইস্কুলত বৃহস্পতিবাৰে নিশা চোৰে চলালে লুটপাত । বিদ্যালয়ৰ তলা ভাঙি কম্পিউটাৰ লেবত প্ৰৱেশ কৰি চোৰে লৈ গ’ল ৪ টা কম্পিউটাৰৰ মনিটৰ, ৪ টা চি পি ইউ, ৫খন কি-বোৰ্ড আৰু ৫ টা ইউ পি এছ ৷ আনকি বিদ্যালয়খনৰ এটা পানীৰ মটৰো চোৰে নিয়াৰ চেষ্টা কৰিছিল যদিও বিফল হ’ল । ঘটনাৰ সন্দৰ্ভত নুনমাটি থানাৰ এটা দল বিদ্যালয়খনত উপস্থিত হৈ তদন্ত প্ৰক্ৰিয়া আৰম্ভ কৰিছে ৷