Strange incident in Jorhat: বৰহোলাত সংঘটিত হৈছে এক আজৱ কাণ্ড

যোৰহাটৰ বৰহোলাত সংঘটিত হৈছে এক আজৱ কাণ্ড (Strange incident)। এজন জীৱিত ব্যক্তিক মৃত সজাই আদালতত দাখিল কৰিছিল প্ৰতিবেদন । বৰহোলাৰ বালিজানৰ 17 নং ব্লকৰ বাসিন্দা চৰিফ আলি নামৰ ব্যাক্তি গৰাকীৰ মৃত্যু হোৱা বুলি প্ৰতিবেদন দাখিল কৰিছিল আদালতত । কিন্তু দীৰ্ঘদিনে কৰ্মেসূত্ৰে ঘৰৰ বাহিৰত থকা চৰিফে বোকাজান আৰক্ষীৰ পৰা এই কথা জানিব পাৰি হতচকিত হৈ পৰে । লগে লগে হুৱাদুৱা লাগে চৰিফৰ পৰিয়াল মাজত । উল্লেখ্য যে এতিয়া নিজকে জীৱিত বুলি প্ৰমাণ কৰিবলৈ ব্যস্ত হৈ পৰিছে চৰিফ । বুধবাৰে তেওঁ জীৱিত থকাৰ প্ৰমাণ পত্ৰ দাখিল কৰিছে বৰহোলাত আৰক্ষী থানাত । এক গোচৰ সংক্ৰান্তত কোনে কিয় চৰিফৰ বিষয়ে মৃত প্ৰমাণ-পত্ৰ আদালতত দাখিল কৰিলে ইয়াকে লৈ এতিয়া সৃষ্টি হৈছে ৰহস্যৰ ।