Bhogali Bihu 2023 : ভোগালীৰ বাবে ৰঙিয়াৰ তিল কিনিলে ভৱেশ কলিতাই

পদূলিমুখত হেঁপাহৰ ভোগালী (Bhogali Bihu 2023) ৷ আগন্তুক ভোগালীৰ প্ৰতি লক্ষ্য ৰাখি ৰঙিয়াৰ তুলসীবাৰীত বুধবাৰৰ পৰা তিনি দিনীয়াকৈ আয়োজন কৰা হৈছে ভোগালী মেলাৰ (Bhogali mela at Rangia) । অসম ৰাজ্যিক গ্ৰামীণ জীৱিকা অভিযানৰ উদ্যোগত তথা মহিয়সী মণ্ডল পৰ্যায়ৰ সংগঠনৰ দ্বাৰা আয়োজিত এই মেলাৰ উদ্বোধন কৰে মহকুমাধিপতি জাভিৰ ৰাহুল সুৰেশে । আনহাতে, এই মেলাত উপস্থিত হৈ বিজেপি দলৰ ৰাজ্যিক সভাপতি তথা স্থানীয় বিধায়ক ভৱেশ কলিতাই কিছু সামগ্ৰীও ক্ৰয় কৰে । লগতে মেলাত উপলব্ধ বিবিধ সামগ্ৰী সন্দৰ্ভত উৎপাদনকাৰী মহিলা গোটৰ কৰ্মীসকলৰ সৈতেও মত বিনিময় কৰে ৷