ETV Bharat / entertainment

মুথূট পাপ্পাচন গ্ৰুপৰ নতুন ব্ৰেণ্ড এম্বেছাদৰ শ্বাহৰুখ খান - SRK brand ambassador of MPG

author img

By ETV Bharat Assamese Team

Published : May 29, 2024, 4:01 PM IST

SRK brand ambassador of MPG: মুথূট পাপ্পাচন গ্ৰুপে ইয়াৰ নতুন ব্ৰেণ্ড এম্বেচেডৰ ঘোষণা কৰিছে । কোম্পানীটোৱে বলীউডৰ চুপাৰষ্টাৰ শ্বাহৰুখ খানক নতুন ব্ৰেণ্ড এম্বেছাদৰ হিচাপে নিযুক্তি দিছে ।

MUTHOOT PAPPACHAN GROUP AMBASSADOR
মুথূট পাপ্পাচন গ্ৰুপৰ নতুন ব্ৰেণ্ড এম্বেছাদৰ (etv bharat)

চিটাৰা ডেস্ক, 29 মে’ : মুথূট পাপ্পাচন গ্ৰুপে (এমপিজি) শ্বাহৰুখ খানক ইয়াৰ ব্ৰেণ্ড এম্বেছাদৰ হিচাপে ঘোষণা কৰিছে । দেশৰ ১৩৭ বছৰীয়া এই পুৰণি মুখ্য আগশাৰীৰ ব্যৱসায়িক গোটটো মুথূট ব্লু নামেৰে জনাজাত । এই কৌশলগত মিত্ৰতা এমপিজিৰ বাবে এক উল্লেখযোগ্য কৃতিত্ব, যিয়ে ইয়াৰ ব্ৰেণ্ডৰ উপস্থিতি শক্তিশালী কৰিব আৰু সমগ্ৰ ভাৰতৰ বিভিন্ন পটভূমিৰ গ্ৰাহকৰ সৈতে সংযোগ স্থাপনৰ এক নতুন উপায়ৰ বাট দেখুৱাব ।

মুথূট পাপ্পাচন গ্ৰুপ হৈছে ভাৰতৰ কিছুমান আগশাৰীৰ এন বি এফ চিৰ প্ৰচাৰক, যাৰ ভিতৰত আছে মুথূট ফিনকৰ্প লিমিটেড (গোটটোৰ ফ্লেগশ্বিপ কোম্পানী), মুথূট মাইক্ৰ’ফিন লিমিটেড, মুথূট কেপিটেল চাৰ্ভিচেছ লিমিটেড আৰু মুথূট হাউচিং ফাইনেন্স কোম্পানী লিমিটেড ।

এই অংশীদাৰিত্বই দেশৰ অৰ্থনৈতিক বিকাশ আৰু আকাংক্ষাক প্ৰসাৰিত কৰাৰ বাবে এমপিজিৰ দৃষ্টিভংগী আৰু শক্তিশালী নিষ্ঠাক প্ৰতিফলিত কৰে । শ্বাহৰুখ খানৰ খ্যাতিয়ে এই আখ্যানক আৰু আগুৱাই লৈ যাব, যিয়ে সকলো বয়সৰ গ্ৰাহকৰ সৈতে সংযোগ স্থাপন কৰিব আৰু তেওঁলোকক ডাঙৰ সপোন দেখিবলৈ অনুপ্ৰাণিত কৰিব ।

মুথূট পাপ্পাচান গ্ৰুপৰ অধ্যক্ষ থমাছ জন মুথূটে শ্বাহৰুখ খানক তেওঁৰ দলত অন্তৰ্ভুক্ত কৰাৰ ক্ষেত্ৰত তেওঁৰ উত্তেজনা ব্যক্ত কৰি কয়, ‘এয়া আমাৰ বাবে এক ডাঙৰ কৃতিত্ব । শ্বাহৰুখে নিজৰ লগত কেৱল তাৰকা শক্তি অনাই নহয়, তেওঁ নম্ৰতা আৰু স্ব-নিৰ্মিত সফলতাৰো প্ৰতীক, যাৰ আমাৰ মূল মূল্যবোধৰ সৈতে মিল আছে ।’

তেওঁ লগতে কয়, "শ্বাহৰুখ খানৰ যাত্ৰা হৈছে আমাৰ কোম্পানীবোৰৰ বিভিন্ন স্পৰ্শবিন্দুত সেৱাসমূহ উপলব্ধ কৰাৰ এক সুযোগ । ই সমগ্ৰ দেশৰ সাধাৰণ মানুহক উৎসাহী কৰাৰ আমাৰ লক্ষ্য শক্তিশালী কৰাৰ প্ৰতি আমাৰ প্ৰতিশ্ৰুতি প্ৰতিফলিত কৰে । তেওঁৰ জীৱন কাহিনীয়ে ডাঙৰ সপোন দেখিবলৈ আৰু সেই সপোনবোৰ সঁচা কৰাৰ শক্তি দেখুৱায় ।"

মুথূট ফিনকৰ্প লিমিটেডৰ মুখ্য কাৰ্যবাহী বিষয়া শ্বাজী ভাৰ্গিজে কয়, ‘শ্বাহৰুখ খান কেৱল বিখ্যাতেই নহয়, তেওঁ নম্ৰতাৰ আৰু নিজৰ শক্তিৰে নিৰ্মিত এক আকৰ্ষণীয় জীৱনৰ প্ৰতীক । তেওঁ আমাৰ দৰে সাধাৰণ মানুহৰ সৈতে এনেদৰে একাত্ম হয়, যিয়ে ডাঙৰ সপোন দেখি নিজৰ সপোনক বাস্তৱত পৰিণত কৰিলে ।’

গোটটোৰ ব্ৰেণ্ড এম্বেছাদৰ হিচাপে শ্বাহৰুখ খানক এমপিজিৰ অভিযানত একাধিক চেনেলত তেওঁলোকৰ সেৱাৰ প্ৰচাৰ কৰা দেখিবলৈ পোৱা যাব । এই অভিযানসমূহৰ উদ্দেশ্য হৈছে বিভিন্ন ধৰণৰ বিত্তীয় সামগ্ৰী আৰু সেৱাসমূহ প্ৰদৰ্শন কৰা, যিয়ে গোটটোৰ প্ৰৱেশাধিকাৰ বৃদ্ধি আৰু সুবিধা সুশৃংখলিত কৰাৰ প্ৰতি গোটটোৰ দায়বদ্ধতাক প্ৰতিফলিত কৰে ।

শ্বাহৰুখ খানে কয়, ‘বিখ্যাত মুথূট পাপ্পাচন গ্ৰুপত ব্ৰেণ্ড এম্বেছাদৰ হিচাপে যোগদান কৰাটো অতি ৰোমাঞ্চকৰ । এক শতিকাৰো অধিক দীঘলীয়া সময়ৰ বাবে এমপিজিয়ে ভাৰতৰ বিত্তীয় পৰিৱেশত অপৰিসীম অৰিহণা যোগাইছে । মই সমগ্ৰ দেশৰ মানুহক ডাঙৰ সপোন দেখাৰ বাবে অনুপ্ৰাণিত কৰিবলৈ আগ্ৰহী । এম পি জিয়ে নিজৰ বিস্তৃত সুলভ মূল্যৰ সামগ্ৰীৰে সেই সপোনবোৰক বাস্তৱত পৰিণত কৰে ।’

মুথূট পাপ্পাচন গ্ৰুপ এনে এক ভৱিষ্যতৰ দিশে আগবাঢ়িছে য’ত আৰ্থিক অন্তৰ্ভুক্তি সকলোৰে হাতৰ মুঠিত থাকিব আৰু শ্বাহৰুখ খানক নতুন ব্ৰেণ্ড এম্বেছাদৰ হিচাপে নিযুক্তি দিয়াটোৱে এই ক্ষেত্ৰত গুৰুত্বপূৰ্ণ ভূমিকা পালন কৰিব ।

লগতে পঢ়ক : "অল আইজ অন ৰাফাহ" আন্দোলনলৈ ছিলভাৰ স্ক্ৰীণৰ তাৰকাৰ সমৰ্থন - All Eyes On Rafah

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.