শিৱসাগৰত আঙুৰলতাৰ বিৰুদ্ধে আটাছুৰ প্ৰতিবাদ
আহোম জাতিৰ বিৰুদ্ধে বিৰূপ মন্তব্য কৰাৰ অভিযোগত বিজেপিৰ ৰাজ্যিক মহিলা মৰ্চাৰ সভানেত্ৰী আঙুৰলতা ডেকাৰ বিৰুদ্ধে শিৱসাগৰত সদৌ তাই আহোম ছাত্র সন্থা(ATASU protest at Sivasagar)প্ৰতিবাদ অব্যাহত আছে । মঙলবাৰে আটাছুৰ শিৱসাগৰ জিলা সমিতিৰ উদ্যোগত শতাধিক সদস্যই প্ৰতিবাদ সাব্যস্ত কৰে । প্ৰতিবাদকাৰীয়ে জিলা উপায়ুক্ত কাৰ্যালয়ৰ সন্মুখত ৰূপায়ন কৰে অৱস্থান ধৰ্মঘট । শিৱসাগৰ জিলা উপায়ুক্ত কাৰ্যালয়ৰ সন্মুখত প্ৰায় দুঘণ্টা প্ৰতিবাদী ধ্বনিৰে পৰিবেশ উত্তাল কৰি তোলে ।উল্লেখ্য় যে যোৱা ২৯ জুলাইত গুৱাহাটীত বিজেপিৰ ৰেলীত আহোম জাতি মুৰ্দাবাদ শ্লোগান দিয়াৰ অভিযোগ উত্থাপন কৰিছে আটাছুই । আহোম জাতিৰ বিৰুদ্ধে বিৰূপ মন্তব্য কৰা আঙুৰলতা ডেকা(Ex MLA Angoorlata Deka)আৰু তেওঁৰ সহযোগী সকলক অতি শীঘ্ৰে গ্ৰেপ্তাৰ কৰাৰ দাবী জনাইছে সংগঠনটোৱে।
Last Updated : Feb 3, 2023, 8:27 PM IST