খেৰজানত নিচাযুক্ত টেবলেটসহ দুজনক আটক

তিনিচুকীয়া, 23 জুন : ৰাজ্যত অব্যাহত আছে অসম আৰক্ষী(Assam Police)ৰ ড্ৰাগছ(Drugs) বিৰোধী অভিযান ৷ এই অভিযানত প্ৰতিদিনে আৰক্ষীৰ জালত পৰিছে ড্ৰাগছ সৰবৰাহকাৰী(Drugs Peddler) ৷ ৰাজ্যৰ ভিন্ন প্ৰান্তৰ লগতে তিনিচুকীয়া জিলাতো ড্ৰাগছৰ বিৰুদ্ধে তৎপৰ হৈ পৰিছে আৰক্ষী প্ৰশাসন ৷ তিনিচুকীয়া জিলাৰ ডিগবৈ থানা(Digbai Police Station)ৰ অন্তৰ্গত খেৰজানত চলোৱা এক অভিযানত ডিগবৈ আৰক্ষী(Digbai Police)য়ে বুজন পৰিমাণৰ নিচাযুক্ত টেবলেট(intoxicating tablet)সহ দুই সৰবৰাহকাৰীক আটক কৰিবলৈ সক্ষম হয় ৷

উল্লেখ্য যে, ডিগবৈ আৰক্ষী(Digbai Police)য়ে এক গোপন সূত্ৰৰ পম খেদি মাৰ্ঘেৰিটা মহকুমা(Margherita sub division)ৰ মহকুমা আৰক্ষী বিষয়া পাৰ্থপ্ৰতিম দাস আৰু ডিগবৈ থানা(Digbai Police Station)ৰ উপ পৰিদৰ্শক(Sub-inspector) নিপজ্যোতি নাথৰ সহযোগত এক অভিযান চলাই সৰবৰাহকাৰীদ্বয়ক খেৰজানৰ পৰা আটক কৰে ৷ উক্ত অভিযানত প্ৰায় ৭০ হাজাৰ টকাৰ নিচাযুক্ত টেবলেট(intoxicating tablet) জব্দ কৰে আৰক্ষীয়ে ৷ আটকাধীন সৰবৰাহকাৰী দুজনে এই নিচাযুক্ত টেবলেট(intoxicating tablet) খিনি ডিব্ৰুগড়ৰ পৰা মটৰ চাইকেলৰে পেঙেৰী অভিমুখে লৈ গৈ থকা অৱস্থাত ডিগবৈ আৰক্ষী(Digbai Police)য়ে আটক কৰে ৷

লগতে AS 23 X 0828 নম্বৰৰ এখন মটৰ চাইকেল জব্দ কৰিবলৈ সক্ষম হয় আৰক্ষী ৷ আটক কৰা সৰবৰাহকাৰীদ্বয় দেৱেশ্বৰ বৰুৱা(৩০) আৰু স্মৃতি বৰুৱা(২৫) বুলি জানিব পৰা হৈছে ৷ দুয়োগৰাকী পেঙেৰী থানা(Pengeri police station)ৰ অন্তৰ্গত টেকেৰীৰ বাসিন্দা ৷

লগতে পঢ়ক : আৰক্ষীৰ গুলিত আহত ড্ৰাগছ সৰবৰাহকাৰী ছফিকুল ইছলাম