তেজপুৰ, ২৫ জুলাই: ভাৰতৰ ৭৫ সংখ্যক স্বাধীনতা দিৱস (75th Independence Day) উপলক্ষে সমগ্ৰ দেশজুৰি অনুষ্ঠিত হৈছে স্বাধীনতাৰ অমৃত মহোৎসৱ (Amrit Mahotsav) ৷ ৰাজ্যৰ বিভিন্ন প্ৰান্তৰ লগতে সশস্ত্ৰ সীমা বলৰ সীমান্ত মুখ্য কাৰ্যালয়ৰ মহাপৰিদৰ্শক বিনোদ নায়কৰ সীমান্ত ভ্ৰমণৰ সময়ত পশ্চিম অৰুণাচল প্ৰদেশৰ বোমডিলাৰ আঞ্চলিক মুখ্য কাৰ্যালয়ৰ বিষয়া এ কে চি সিঙে সোমবাৰে ৬৭ কৰ্পছত হৰ ঘৰ পতাকা অভিযানৰ আৰম্ভ কৰে (Har Ghar Tiranga Abhiyan) ।
লগতে তেওঁৰ ভ্ৰমণ কালত অনুষ্ঠিত বিশেষ সৈনিক সন্মিলনত হৰ ঘৰ পতাকা অভিযানৰ বিষয়ে জোৱানসকলক অৱগত কৰোৱা হয় ৷ ইয়াৰ লগতে তেওঁলোকৰ ঘৰ, চুবুৰীয়া আৰু আত্মীয়সকলৰ সকলো কৰ্মচাৰীক ইয়াৰ গুৰুত্ব ল'বলৈ অনুপ্ৰেৰিত কৰে । মহাপৰিদৰ্শক গৰাকীয়ে জোৱানসকলক ভাৰতৰ ফ্লেগ কোডৰ বিষয়ে বিভিন্ন তথ্যও প্ৰদান কৰে (Har Ghar Tiranga Abhiyan celebrated in Arunachal Pradesh) ।
এই উপলক্ষে মহাপৰিদৰ্শক বিনোদ নায়কে বৈণী অঞ্চলৰ বিভিন্ন গাঁৱৰ মুৰব্বীসকলকো সাক্ষাৎ কৰে আৰু হৰ ঘৰ পতাকা অভিযানৰ বিষয়ে তথ্য প্ৰদান কৰে ৷ তাৰোপৰি তেওঁলোকক ত্ৰিৰংগা পতাকা প্ৰদান কৰি সকলোকে এই অভিযানৰ সৈতে সংযুক্ত হোৱাৰ লগতে আন গাওঁবাসীসকলকো এই অভিযানৰ সৈতে সংযুক্ত হ'বলৈ আহ্বান জনায় ।
একে সময়তে, সীমান্তৱৰ্তী ৰাজ্য অৰুণাচলৰ পশ্চিম কামেং জিলাত সীমান্ত চৌকিৰ কৰ্মচাৰীসকলেও প্ৰভাত ফেৰী উলিয়াই নাগৰিকসকলৰ মাজত হৰ ঘৰ ঝাণ্ডা অভিযানৰ বিষয়ে সজাগতাৰ সৃষ্টি কৰে ।
লগতে পঢ়ক: Congress protest in Delhi: মনীষ চিছোদিয়াৰ বাসগৃহৰ সন্মুখত কংগ্ৰেছৰ প্ৰতিবাদ
