নলবাৰী, ২১ জুন: নলবাৰীৰ দেহৰকুছি, বৰভাগ আৰু নমাটিত বান পৰিদৰ্শন মুখ্যমন্ত্ৰী ড৹ হিমন্ত বিশ্ব শৰ্মাৰ (CM Himanta Biswa Sarma in Nalbari)। প্ৰথমে দেহৰকুছি বান পৰিস্থিতিৰ বুজ লৈ পোনেপোনে বৰভাগ কলেজত স্থাপিত আশ্ৰয় শিবিৰ পৰিদৰ্শন কৰে মুখ্যমন্ত্ৰীগৰাকীয়ে ।
বৰভাগ মহাবিদ্যালয়ৰ আশ্ৰয় শিৱিৰত বন্যাৰ্তৰ বুজ ল’লে মুখ্যমন্ত্ৰী ড৹ শৰ্মাই (Flood relief camp in Nalbari)। বানত ককবকাই থকা নলবাৰীৰ বৰভাগ, দেহৰকুছি আৰু নমাটিৰ বান পৰিদৰ্শন কৰে মুখ্যমন্ত্ৰীগৰাকীয়ে । নলবাৰী আৰু কামৰূপ জিলাৰ বিভিন্ন ঠাইত মঙলবাৰে বান পৰিস্থিতি বুজ লৈ বিয়লি বৰভাগ মহাবিদ্যালয়ত আশ্ৰয় লৈ থকা বানাক্ৰান্তসকলৰ খবৰ লয় মুখ্য মন্ত্ৰীগৰাকীয়ে ।
উল্লেখযোগ্য যে, নলবাৰী জিলাৰ বৰক্ষেত্ৰী সমষ্টিৰ বৰভাগ অঞ্চলৰ বহুকেইখন গাঁৱৰ বাসিন্দাসকল বিগত সাত দিন ধৰি ভয়ংকৰ বানৰ কবলত পৰি দুৰ্ভোগ ভুগি আছে । বান পৰিদৰ্শন কৰি আগন্তুক চাৰি-পাঁচ দিনৰ ভিতৰত স্বাভাৱিক অৱস্থা ঘূৰি আহিব বুলি কয় মুখ্যমন্ত্ৰীগৰাকীয়ে ।
আনহাতে বৰভাগত থকা শ্লুইছ গেটখন(Barbhag Sluice gate) আগন্তুক সাত মাহৰ ভিতৰত সম্পূৰ্ণ কৰি দিয়াৰ আশ্বাস প্ৰদান কৰে মুখ্যমন্ত্ৰী ড৹ শৰ্মাই ।
লগতে পঢ়ক: Assam Flood 2022: দ্বিতীয়টো বানত 20 সহস্ৰাধিক হেক্টৰ কৃষিভূমি বিনষ্ট
