বঢ়মপুৰ, 12 নৱেম্বৰ : নগাঁও জিলাৰ ৰহা সমষ্টিৰ কঁচুৱা তিনিআলিত কৰ্তব্যৰত ঠিকাদাৰৰ হেমাহি ৷ কাঠৰ দলঙৰ ঠাইত নিৰ্মাণ কৰিলে বাঁহৰ দলং । ফলত বিদ্যালয়ৰ ছাত্ৰ-ছাত্ৰীকে ধৰি হাৰাশাস্তি ভুগিছে স্থানীয় ৰাইজে ৷ এখন বাঁহৰ দলঙে এতিয়া জ্বলা-কলা খোৱাইছে কঁচুৱা তিনিআলিৰ হাতিখুটিবাসীক । কামপুৰ-বৈঠালাংচু পথৰ পৰা পশ্চিম বিৰিঙাআাটিলৈ উত্তৰ-পূৱ পৰিষদৰ কামপুৰ কাৰ্যবাহী অভিযন্তাৰ কাৰ্যালয়ে দলং নিৰ্মাণত ব্যাপক অনিয়ম হোৱাৰ অভিযোগ উত্থাপন কৰিছে । ভাৰত চৰকাৰৰ গ্ৰাম্য মন্ত্ৰনালয়ৰ পুঁজিৰ দ্বাৰা নিৰ্মাণ কৰি থকা পথটো ৰহা সমষ্টিৰ বিধায়ক ডিম্বেশ্বৰ দাসে চলিত বৰ্ষৰ জানুৱাৰী মাহত আধাৰশিলা স্থাপন কৰিছিল । অভিযোগ মতে, বিধায়ক জনৰ মৌনতাৰ সুযোগ গ্ৰহণ কৰি স্বেচ্ছাচাৰিতা চলাই গৈছে ঠিকাদাৰ প্ৰদীপ কুমাৰ নাথে । দলং নিৰ্মাণ হোৱাৰ আগতে ৰাইজৰ সুবিধা হোৱাকৈ কাঠৰ দলং নিৰ্মাণ কৰিব লাগিছিল যদিও ঠিকাদাৰে বাঁহৰ দলং নিৰ্মাণ কৰি হাত সাৰে ঠিকাদাৰগৰাকীয়ে। এতিয়া বাঁহৰ দলঙৰ জৰাৰ্জীণ অৱস্থাৰ বাবে সমস্যাত পৰিছে স্থানীয় ৰাইজ । বাঁহৰ দলং খন যাতায়তৰ অনুপযোগী হোৱাত ৰোগী , ছাত্ৰ ছাত্ৰীকে ধৰি স্থানীয়লোক সকল যাতায়তৰ ক্ষেত্ৰত অসুবিধাৰ সন্মুখীন হৈছে ৷
আৰু পঢ়ক : কলিয়াবৰত সাপৰ ওপৰত সজাগতা সভা
