বঢ়মপুৰ,29 জানুৱাৰীঃ নগাওঁ জিলাৰ কঠীয়াতলী কছাৰী গাঁৱৰ আবাসী সুৰেশ ৰাভা নামৰ এগৰাকী 50 উৰ্ধৰ বক্তিৰ বিৰুদ্ধে উত্থাপিত হৈছে ধৰ্ষণৰ দৰে গুৰুতৰ অভিযোগ ৷ এগৰাকী 9 বছৰীয়া শিশুক ফুচুলাই নি ধৰ্ষণ কৰাৰ অভিযোগ সুৰেশ ৰাভাৰ বিৰুদ্ধে ৷ অভিযোগ অনুসৰি,কঠিয়াতলীৰ সুৰেশ ৰাভাই যোৱা 26 জানুৱাৰীত নিজ বায়েকৰ ঘৰলৈ গৈ থকা সময়তে শিশুটিক ফুচুলাই নি ধৰ্ষণ কৰে ৷ ঘটনা সংঘটিত কৰি শিশুটিক কাকো একো নক'বলৈ ভীতি প্ৰদৰ্শন কৰিছিল সুৰেশ ৰাভাই ৷ কিন্তু বৃহস্পতিবাৰে অধিক ৰক্তক্ষৰণ হোৱাৰ বাবে শিশুটিয়ে পৰিয়ালক সমগ্ৰ ঘটনা অৱগত কৰে ৷
এই ঘটনা বিয়পি পৰাৰ পাছতে গাঁৱৰ পৰা পলায়ন কৰে অভিযুক্ত সুৰেশ ৰাভাই ৷ ইয়াৰ পিছতে পলাতক সুৰেশ ৰাভাৰ উচিত শাস্তিৰ দাবী তুলি শতাধিক মহিলাই অভিযুক্ত লম্পট সুৰেশ ৰাভাৰ ঘৰ ঘেৰাও কৰি পৰিৱেশ উত্তাল কৰি তোলে ৷ অৱশেষত ঘটনাস্থলীত উপস্থিত হৈ আৰক্ষীয়ে পৰিস্থিতি নিয়ন্ত্ৰণ কৰে ৷ কিশোৰী গৰাকীৰ ভাষ্যৰ ওপৰত ভিত্তি কৰি তথা শিশুটিৰ পিতৃয়ে দিয়া এজাহাৰৰ ওপৰত ভিত্তি কৰি ইতিমধ্যে কঠীয়াতলী আৰক্ষীয়ে গোচৰ ৰুজু কৰিছে ৷ লগতে পলাতক অৱস্থাত থকা সুৰেশ ৰাভাক বিচাৰি তদন্ত আৰম্ভ কৰিছিল আৰক্ষীয়ে ৷
