ডিফু , 13 অক্টোবৰ : কাৰ্বি সাহিত্য জগতৰ বাবে বৃহৎ ক্ষতি ৷ সকলোকে শোকস্তব্ধ কৰি পৰলোকলৈ গমন কৰিলে কাৰ্বি লাম্মেট আমেই(কাৰ্বি সাহিত্য সভা)ৰ সভাপতি সিদ্ধিনাথ ৰংপিয়ে ৷ বুধবাৰে উচ্চ ৰক্তচাপজনিত কাৰণত সাহিত্যিকগৰাকীৰ মৃত্যু হয় ৷
উচ্চ ৰক্তচাপত আক্ৰান্ত ৰংপি অসুস্থ হৈ পৰাত পুৱা ডিফু মেডিকেল কলেজত ভৰ্তি কৰোৱা হৈছিল ৷ কিন্তু, চিকিৎসাৰ পূৰ্বেই সাহিত্যিকগৰাকীয়ে ইহ-সংসাৰ ত্যাগ কৰে ৷ সাহিত্য জগতখনৰ লগতে দীৰ্ঘ দিন ধৰি ৰাজনীতিৰ সৈতেও সিদ্ধিনাথ ৰংপি জড়িত হৈ আছিল ৷
ৰংপিৰ আকস্মিক মৃত্যুত ডিফু অঞ্চলৰ লগতে সমগ্ৰ জিলাখনত শোকৰ ছাঁ পৰিছে ৷ ৰংপিৰ মৃত্যুত অসম সাহিত্য সভাৰ প্ৰধান সম্পাদক যাদৱ চন্দ্ৰ শৰ্মাৰ লগতে কাৰ্বি আংলং জিলা সাহিত্য সভাইও শোক প্ৰকাশ কৰিছে ৷
লগতে পঢ়ক : ৰাজকন্যা কাণ্ড : যোছেফ মাৰাকৰ কৃত্রিম ভৰি লগোৱাৰ দায়িত্ব ল'লে ৰাজ্য চৰকাৰে
