গুৱাহাটী, ১০ এপ্ৰিল : মহানগৰীৰ তেতেলীয়াত সংঘটিত হৈছে চাঞ্চল্যকৰ ঘটনা । দুৰ্বৃত্তই নৃশংসভাৱে হত্যা কৰিলে এজন লোকক (Murder in Guwahati)। মহানগৰীৰ জালুকবাৰী আৰক্ষী থানাৰ অন্তৰ্গত তেতেলীয়াত সংঘটিত হৈছে এই হত্যাকাণ্ড (Sensational murder in Boragaon Guwahati) । দুৰ্বৃত্তই হত্যা কৰা লোকজনৰ নাম অজিত চেতিয়া বুলি জানিব পৰা গৈছে ।
প্ৰায় ৬০ বছৰ বয়সৰ লোকজন এমট্ৰনৰ কৰ্মচাৰী আছিল (AMTRON employee murder in Guwahati)। লোকজনৰ মূৰত আঘাতৰ চিন স্পষ্টকৈ পোৱা গৈছে । দুৰ্বৃত্তই ঘৰৰ ভিতৰতে গুলীয়াই থৈ যোৱাৰ সন্দেহ আৰক্ষীৰ । ঘৰত থকা বহুতো মূল্যবান সামগ্ৰী ডকাইতি কৰি লৈ যোৱাৰো সন্দেহ কৰিছে আৰক্ষীয়ে । কিয়নো শনিবাৰে নিশা ঘৰত অকলশৰে আছিল চেতিয়া । ঘটনাস্থলীত উপস্থিত জালুকবাৰী অতিৰিক্ত আৰক্ষী আয়ুক্তসহ আৰক্ষীৰ এটা দল উপস্থিত হৈ আৰম্ভ কৰিছে তদন্ত ।
লগতে পঢ়ক: বিলাসীপাৰাত এনকাউন্টাৰত নিহত গৰুৰ চোৰাং সৰবৰাহকাৰী
