গুৱাহাটী, ২৬ এপ্ৰিল: অসম আৰক্ষীৰ গুপ্তচৰ হিচাপে সংযুক্ত মুক্তি বাহিনী চমুকৈ আলফা(স্বা)ত যোগদান কৰি(Spy in ULFA I Camp) আলফা(স্বা)ৰ হাতত ধৰা পৰি বন্দী হৈছে সঞ্জীৱ শৰ্মা নামৰ এজন যুৱক ৷ আলফাৰ পৰা প্ৰেৰণ কৰা এটা ভিডিঅ’ত আৰক্ষী বিষয়া পাৰ্থ সাৰথি মহন্তই পঠোৱা বুলি বিস্ফোৰক মন্তব্য কৰে যুৱকজনে ৷
এই সন্দৰ্ভত যুটীয়া আয়ুক্তগৰাকীয়ে কয়, ‘‘কিয় মোৰ নামটো ল’লে মই নাজানো । মই হৈছোঁ গুৱাহাটীৰ আৰক্ষী বিষয়া । বিষয়টোৰ লগত কেৱল মহানগৰ আৰক্ষী জড়িত নহয় । আমি বিভিন্ন সময়ত বিভিন্ন মানুহৰ সৈতে কাম কৰো । হয়তো কামৰূপত থাকোতে লগ পাবও পাৰো কিন্তু মোৰ মনত নাই । কিয় কেৱল মোৰ নাম ল’লে সেইটো কৰ্তৃপক্ষই তদন্ত কৰিব’’ ।
আনহাতে গুৱাহাটী চিকিৎসা মহাবিদ্যালয় হাস্পতালৰ পৰা এটি শিশু সন্ধানহীন(Baby missing from GMCH) হোৱা ঘটনাৰ লগত সাঙোৰ খাই পৰিছে শুৱালকুছিৰ এগৰাকী নাৰ্চৰ নাম ।
শুৱালকুছি খণ্ড প্ৰাথমিক স্বাস্থ্যকেন্দ্ৰত ANM হিচাপে কৰ্মৰত নাৰ্চগৰাকী যোৱা ২১ মে'ৰ পৰা ২৫ মে'লৈকে ব্যক্তিগত অসুবিধা দেখুৱাই ছুটিৰ আবেদন কৰিছিল । সেই ছুটি অনুমোদন দিছিল চিকিৎসালয় কৰ্তৃপক্ষই । ইতিমধ্যে ছুটিৰ সময় উকলি যোৱাৰ পাছতো নাৰ্চগৰাকীয়ে চিকিৎসালয়ত কৰ্মৰত যোগাদান কৰা নাই বুলি বিশেষ সূত্ৰৰ পৰা খবৰ পোৱা গৈছে ।
ইফালে শিশুটিৰ সন্ধানত চেন্নাইৰ ক্ৰাইম ব্ৰাঞ্চৰ সহযোগত আৰক্ষীয়ে অভিযান চলাই থকা বুলি জানিব পৰা গৈছে । এই বিষয় সন্দৰ্ভত মহানগৰ যুটীয়া আৰক্ষী আয়ুক্তৰ পাৰ্থ সাৰথি মহন্তই (JCP Partha Sarathi Mahanta) সংবাদ মাধ্যমৰ আগত কয়, ‘‘সমগ্ৰ বিষয়টো যথেষ্ট স্পৰ্শকাতৰ । কণমাণিটিৰ ভৱিষ্যতৰ কথা আছে । আমি সকলো দিশ পৰ্যালোচনা কৰি আছো ।’’ আওপকীয়াকৈ যুটীয়া আৰক্ষী আয়ুক্তগৰাকীয়ে চেন্নাই আৰক্ষীৰ সহায় লোৱাৰ কথা স্বীকাৰ কৰে ।
লগতে পঢ়ক: আলফাৰ ঘাটিত আৰক্ষীৰ চোৰাংচোৱা ! চাঞ্চল্যকৰ ভিডিঅ’ প্ৰকাশ
