ETV Bharat / health

আপোনাৰ নখৰ ৰঙে কৰ্কট ৰোগৰ বিপদাশংকা সূচায়.. - Cancer Symptoms

author img

By ETV Bharat Health Team

Published : May 19, 2024, 11:23 AM IST

Cancer Symptoms In Nails : আমি সকলোৱে জানো যে, প্ৰতিগৰাকী লোকৰ জিভা, নখ আৰু চকু এই তিনিটা অংগ অতি সংবেদনশীল ৷ সেয়েহে কাৰোবাৰ শৰীৰত ৰোগে দেখা দিলে প্ৰথমে এই তিনিটা অংগত ৰোগৰ প্ৰভাৱে দেখা দিয়ে । আপোনাৰ নখৰ ৰঙে কেনেদৰে কৰ্কট ৰোগৰ আশংকা সূচায় জানি লওক...

Cancer Symptoms In Nails
আপোনাৰ নখৰ ৰঙে কৰ্কট ৰোগৰ বিপদাশংকা সূচায়.. (etv bharat hindi)

শেহতীয়াকৈ এক অধ্যয়নত পোহৰলৈ আহিছে যে নখৰ দৈৰ্ঘৰ লগতে নখৰ ৰং সলনি হ’লে (বগা অথবা ৰঙা), ছাল, চকু আৰু বৃক্কত কৰ্কট ৰোগৰ টিউমাৰৰ আশংকা কঢ়িয়াই আনিব পাৰে ৷ আমেৰিকা যুক্তৰাষ্ট্ৰৰ এক ৰাষ্ট্ৰীয় স্বাস্থ্য প্ৰতিষ্ঠানৰ (এনআইএইচ) বিজ্ঞানীসকলে নখত অনিচোপাপিলোমা নামেৰে জনাজাত এক উপাদানৰ উপস্থিতি চিনাক্ত কৰিছিল । ই নখ ৰং সলনি কৰাৰ উপৰিও নখৰ তলৰ অংশ ডাঠ কৰি পেলায় ৷

এই অধ্য়য়নত জানিবলৈ পৰা অনুসৰি, ই এক বিৰল বিকাৰ ৷ ই প্ৰজন্মৰ পৰা প্ৰজন্মলৈ বিয়পিব পাৰে ৷ যাক বি.এ.পি.1 টিউমাৰ প্ৰবৃত্তিৰ লক্ষণ বুলি কোৱা হয়, ইয়ে কৰ্কট ৰোগৰ টিউমাৰ হোৱাৰ আশংকা বৃদ্ধি কৰে । জে.এ.এম.এ. ডাৰ্মাটোলজী আলোচনীত প্ৰকাশিত ফলাফল অনুসৰি, বি.এ.পি.1 জিনৰ পৰিৱৰ্তনে এনে লক্ষণৰ কাৰক হ’ব পাৰে ৷

ই সাধাৰণতে কেৱল এটা নখ প্ৰভাৱিত কৰে । অৱশ্যে 35 টা পৰিয়ালৰ 47 জন ব্যক্তিৰ অধ্যয়নত বি.এ.পি.1 দেখা গৈছে ৷ ইয়াৰে প্ৰায় 44 শতাংশৰ একাধিক নখত অনিচোপাপিলোমা টিউমাৰ থকা দেখা গৈছিল ।

এন আই এইচ ৰ নেশ্যনেল ইনষ্টিটিউট অৱ আৰ্থ্ৰাইটিছ এণ্ড পেশীকংকাল আৰু ছালৰ ৰোগ (এনআইএএমএছ)ৰ ডাৰ্মাটোলজী পৰামৰ্শ সেৱাৰ মুখ্য চিকিৎসক এডৱাৰ্ড কোৱেনে কৈছিল যে, সাধাৰণ লোকসকলৰ ক্ষেত্ৰত এইধৰণৰ লক্ষণ খুবেই কম দেখা যায় ৷

নখৰ কৰ্কট ৰোগৰ লক্ষণসমূহ কি ?

  • নখৰ কৰ্কট ৰোগ হ’লে সাধাৰণতে আপোনাৰ নখত মুগা বা ক'লা ৰঙৰ আৰু চিন দেখা যায় । কিছু ক্ষেত্ৰত এই ৰেখা অনিয়মীয় আকৃতিৰ হ'ব পাৰে আৰু সময়ৰ লগ লগে ইয়া দৈৰ্ঘ আৰু প্ৰস্থ বৃদ্ধি হ'ব পাৰে ।
  • নখত ফাঁট বা বিকৃতি হ’ব পাৰে
  • অনিয়মীয়া ৰঞ্জক এটা থাকিব
  • নখ ফুলিব
  • বিচনাত নখৰ টুকুৰা পৰিবলৈ নিদিব
  • নখত আলচাৰ অথবা ৰক্তক্ষৰণ আৰম্ভ হ'ব
  • নখৰ চাৰিওফালে থকা ছালৰ ৰং সলনি হ’ব

লগতে পঢ়ক: গুৱাহাটী বৃদ্ধি পাইছে জলাতংক ৰোগ; চিন্তিত মহানগৰবাসী - Rabies

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.