গুৱাহাটী, ২৯ জুলাই: "মই দলৰ প্ৰতিগৰাকী নেতা-কৰ্মীক টানি অনুৰোধ জনাইছো যে ৰাষ্ট্ৰপতি নিৰ্বাচনৰ ক্ৰছ ভোটিঙৰ বিষয়টো ইতিমধ্যে নিখিল ভাৰত কংগ্ৰেছ কমিটীৰ বিচাৰধীন ৷ নিখিল ভাৰত কংগ্ৰেছ কমিটীয়ে নিজৰ স্থিতি ৰাজহুৱাভাৱে ইতিমধ্যে ব্যক্ত কৰিছে ৷ সেয়েহে এই বিষয়টো সম্পৰ্কত সাংসদ, বিধায়ক, নেতা, কৰ্মীৰ পৰা আমি দলে কোনো দিহা পৰামৰ্শ বা মতামত বিচৰা নাই ৷ সেইকাৰণে প্ৰত্যেকগৰাকী নেদা কৰ্মীক এই ক্ৰছ ভোটিঙৰ বিষয়টোৰ পৰা বিৰত থাকিবৰ কাৰণে মই অনুৰোধ জনাইছো ৷" ক্ৰছ ভোটিঙৰ সন্দৰ্ভত দলীয় নেতা কৰ্মীক মুখ বন্ধ ৰাখিবলৈ অনুৰোধ ভূপেন বৰাৰ (Bhupen Bora urged party leaders to keep shut their mouths) ৷
ৰাষ্ট্ৰপতি নিৰ্বাচনত হোৱা ক্ৰছ ভোটিঙৰ বিতৰ্কই এতিয়াও লগ এৰা নাই কংগ্ৰেছক (Presidential Election 2022) ৷ কংগ্ৰেছৰ ছয়জন বিধায়কে ক্ৰছ ভোটিং কৰা বুলি দলটো নিশ্চিত হোৱাৰ পাছত বিষয়টো কংগ্ৰেছ হাইকামাণ্ড নিখিল ভাৰত কংগ্ৰেছ কমিটীৰ বিচাৰাধীন হৈ আছে (Bhupen Bora On Cross Voting)৷
নতুন দিল্লীৰ পৰা শুকুৰবাৰে তিনিদিনীয়া কাশী ভ্ৰমণলৈ ওলোৱাৰ প্ৰাকক্ষণত সভাপতি বৰাই কয় যে কংগ্ৰেছ সকলো সাংসদ, বিধায়ক, দলীয় নেতা তথা বিষয়ববীয়া এই বিষয়ত সংযত হোৱা উচিত ৷ তেওঁ কয় যে ৰাষ্ট্ৰপতিৰ নিৰ্বাচনৰ ক্ৰছ ভোটিং সন্দৰ্ভত চূড়ান্ত সিদ্ধান্ত দিবলৈ নিখিল ভাৰত কংগ্ৰেছ কমিটীয়ে বিচাৰ-বিবেচনা কৰি আছে (Congress MLA cross voting In Presidential election)৷ সেয়ে এই বিশেষ বিষয়টোক লৈ সংবাদ মাধ্যম বা অন্যান্য প্ৰচাৰ মাধ্যমত কোনো ধৰণৰ বক্তব্য দাঙি নধৰিবলৈ সভাপতি বৰাই সকলো দলীয় নেতা-কৰ্মীক সতৰ্ক কৰি দিয়ে ৷
উল্লেখ্য যে ৰাষ্ট্ৰপতি নিৰ্বাচনত ৰাজ্যৰ মুঠ 22 জন বিৰোধী দলৰ বিধায়কে এন ডি এৰ প্ৰাৰ্থী দ্ৰৌপদী মুৰ্মুক (NDA Candidate Draupadi Murmu) ভোট দিছিল ৷ যাকলৈ বিৰোধীৰ মাজত বোকা ছটিওৱাৰ ৰাজনীতি এতিয়াও অব্যাহত আছে ৷ লক্ষণীয় বিষয় যে বিৰোধী শিবিৰৰ পৰা 42 জন বিধায়কে ভোট দিছিল মুৰ্মুক ৷
আনহাতে বিৰোধী দলৰ প্ৰাৰ্থী যশৱন্ত সিনহাই অসমৰ বিৰোধী শিবিৰৰ পৰা লাভ কৰিছিল মাত্ৰ 20 জন বিধায়কৰ ভোট৷ বাকী 22 জন বিৰোধী শিবিৰৰ বিধায়কে ক্ৰছ ভোটিঙৰ দ্বাৰা দ্ৰৌপদী মুৰ্মুক জয়ী কৰাত সহায় কৰিছিল । কংগ্ৰেছে জনোৱা অনুসৰি তেওঁলোকৰ দলৰ ছয়জন বিধায়কে ক্ৰছ ভোট কৰিছে ৷ ইতিমধ্যে সেই 6 জন বিধায়কৰ নাম প্ৰদেশ কংগ্ৰেছৰ সভাপতি ভূপেন বৰাই দলৰ হাইকামাণ্ডক দিয়া বুলি মন্তব্য প্ৰকাশ কৰিছিল ৷ এইক্ষেত্ৰত হাইকামাণ্ডৰ সিন্ধান্তই শেষ সিদ্ধান্ত হ'ব বুলি বৰাই জনাইছিল ৷
লগতে পঢ়ক: Cross Voting in President Election: ক্ৰছ ভোটিং কৰাসকলক কঠোৰ সকিয়নী জীতেন্দ্ৰ সিঙৰ
