হোজাই, 13 ফেব্ৰুৱাৰী : লামডিং সংৰক্ষিত বনাঞ্চলত উচ্ছেদ অভিযানৰ(Eviction Drive Carried Out In Lumding Reserve Forest) পাছত প্ৰশাসনে আশ্ৰয় প্ৰদান কৰিছে যদিও শিবিৰত পৰ্যাপ্ত সুবিধা নথকাৰ অভিযোগ উত্থাপন হৈছে ৷ ইয়াৰে ভিতৰত শিশু, গৰ্ভৱতী মহিলাসকলে যথেষ্ট অসুবিধাৰ সন্মুখীন হ'বলগীয়া হৈছে ৷ এনে সময়তে পৰিপুষ্টিৰ অভাৱত মৃত্যুক সাৱতি ল'বলগীয়া হ'ল লামডিং সংৰক্ষিত বনাঞ্চলৰ পৰা উচ্ছেদিত তথা জানজুৰ আশ্ৰয় শিৱিৰত আশ্ৰয় লৈ থকা এগৰাকী ৮ মহীয়া গৰ্ভৱতী মহিলাই(Died of a pregnant woman evicted from Lumding reserve forest) ৷
উচ্চ ন্যায়ালয়ৰ নিৰ্দেশ অনুসৰি হোজাই বন বিভাগে জিলা প্ৰশাসনৰ সহযোগত নৱেম্বৰ মাহত লামডিং বনাঞ্চলৰ চৰকাৰী ভূমিত বসবাস কৰি থকা লোকসকলক কৰিছিল উচ্ছেদ(Assam government evicts residents from Lumding reserve forest) । উক্ত উচ্ছেদিত লোকসকলৰ কিছু লোকক প্ৰশাসনে নখুটীৰ জানজুত আৰু আন কিছু লোকক চাংমাজিত সংস্থাপন দিছিল । বৰ্তমান এই উচ্ছেদিত লোকসকলে হোজাই জিলা প্ৰশাসন তথা চৰকাৰে শিবিৰত পৰ্যাপ্ত পৰিমাণৰ সুবিধা প্ৰদান নকৰাৰ অভিযোগ কৰিছে ৷
নখুটীৰ জানজুৰ শিবিৰত আশ্ৰয় লৈ থকা আশ্বীনা বেগম নামৰ গৰ্ভৱতী মহিলাগৰাকীৰ চিকিৎসা তথা যাতায়তৰ অভাৱতে শনিবাৰে মৃত্যু হোৱাৰ অভিযোগ কৰে স্থানীয় লোকৰ লগতে হোজাই জিলা আমছুৱে । আমছুৰ হোজাই জিলা সমিতিৰ মুখ্য উপদেষ্টা মনোৱাৰ হুছেইনে লামডিং বনাঞ্চলত উচ্ছেদ চলাই চৰকাৰে সংখ্যালঘু লোকসকলক নিৰ্যাতন চলোৱাৰ লগতে নিঃশেষ কৰাৰ যি পৰিকল্পনা আছিল, সেই মনোকামনা পূৰণ হৈছে বুলি অভিযোগ কৰে ।
জানজু আৰু চাংমাজিৰ আশ্ৰয় শিবিৰত বৰ্তমানলৈ সৰ্বমুঠ ৫ জন লোকৰ মৃত্যু হৈছে ৷ হোজাই জিলাৰ আমছুৱে এই আশ্ৰয় শিবিৰত চিকিৎসাৰ লগতে পৰ্যাপ্ত পৰিমাণৰ সা-সুবিধা প্ৰদানৰ দাবী জনাইছে চৰকাৰ তথা প্ৰশাসনক ৷
লগতে পঢ়ক : Lumding Eviction : লামডিঙৰ 400 টা উচ্ছেদিত পৰিয়ালক চাংমাজি ৰিজাৰ্ভলৈ স্থানান্তৰণ
