হোজাই,10 জুলাই: আজমল ফাউণ্ডেচনৰ প্ৰশংশনীয় পদক্ষেপ ৷ শুকুৰবাৰে অপ্ৰাদেশিকৃত বিদ্যালয়ৰ শিক্ষক-শিক্ষয়িত্ৰী, বিধবা মহিলা আৰু বিশেষভাবে সক্ষম ব্যক্তিসকলক আগবঢ়ালে 1 কোটি 49 লাখ 64 হাজাৰ টকাৰ আৰ্থিক সাহাৰ্য ৷ যমুনামুখ সমষ্টিৰ 175 টা পৰিয়ালৰ মাজত আজমল ফাউণ্ডেচনে প্ৰায় ডেৰ কোটি টকাৰ আৰ্থিক সাহায্য বিতৰণ কৰে ৷ ইয়াৰে ভিতৰত বেচৰকাৰী বিদ্যালয়ৰ 40 জন শিক্ষক-শিক্ষয়িত্ৰীক 36 হাজাৰ টকাকৈ মুঠ 14 লাখ 40 হাজাৰ টকা আগবঢ়ায় ৷
ইফালে 25 গৰাকীকৈ দৰিদ্ৰ হিতাধিকাৰীৰ ভিতৰত প্ৰতিজনক 2 লাখ টকাকৈ 50 লাখ টকাৰ চেক বিতৰণ কৰে ৷ লগতে বিশেষভাৱে সক্ষম 56 জন লোকক 24 হাজাৰ টকাকৈ মুঠ 13 লাখ 44 হাজাৰ টকাৰ সাহায্য প্ৰদান কৰা হয় ৷ 14 গৰাকী অসহায় দৰিদ্ৰ হিতাধিকাৰীক 4 লাখ 10 হাজাৰ টকাকৈ আৰ্থিক সাহায্য প্ৰদান কৰাৰ লগতে 40 গৰাকীকৈ বিধবা মহিলাক 36 হাজাৰ টকাকৈ মুঠ 14 লাখ 40 হাজাৰ টকাৰ সাহায্য AIUDF ৰ বিধায়ক ছিৰাজুদ্দিন আজমলে প্ৰদান কৰে ৷
অপ্ৰাদেশিকৃত বিদ্যালয়ৰ শিক্ষক-শিক্ষয়িত্ৰী, বিধৱা মহিলা, বিশেষভাৱে সক্ষম লোক আৰু অসহায় দৰিদ্ৰ পৰিয়ালৰ মাজত আজমল ফাউণ্ডেচনে শুকুৰবাৰে ডবকা আৰু নীলবাগানত আয়োজিত দুখন সভাত বিধায়ক ছিৰাজুদ্দিন আজমলে এই সাহায্য প্ৰদান কৰে ৷ ডবকা আৰু নীলবাগানত পৃথকে পৃথকে অনুষ্ঠিত হোৱা সভাত যমুনামুখৰ বিধায়ক ছিৰাজুদ্দিন আজমলৰ উপস্থিতিত আজমল ফাউণ্ডেচনে বিতৰণ কৰে ধনখিনি ৷
আগন্তুক দিনত প্ৰতি বছৰে পাঁচবাৰকৈ এই সাহায্য প্ৰদান কৰা হ'ব বুলি সাংবাদিকৰ আগত মন্তব্য কৰে আজমল ফাউণ্ডেচনৰ ন্যাসৰক্ষী তথা যমুনামুখৰ বিধায়ক ছিৰাজুদ্দিন আজমলে ৷ আৰ্থিক সাহায্য লাভ কৰি হিতাধিকাৰীসকলে সাংসদ মৌলানা বদৰুদ্দিন আজমল, বিধায়ক ছিৰাজুদ্দিন আজমলক বিশেষভাবে ধন্যবাদ জ্ঞাপন কৰে ৷
লগতে পঢ়ক-দুই মন্ত্ৰীৰ বিভাগ সলালে মুখ্যমন্ত্ৰীয়ে
