বিলাসীপাৰা, 20 অক্টোবৰ: মঙলবাৰে বিয়লি বিলাসীপাৰাৰ মাজপাৰাৰ ৩১ নং ৰাষ্ট্ৰীয় ঘাইপথত প্ৰধানমন্ত্ৰী নৰেন্দ্ৰ মোডীৰ প্ৰতিকৃতি দাহ কৰি প্ৰতিবাদ সাব্যস্ত কৰে কৃষক মুক্তি আৰু ছাত্ৰ মুক্তি সংগ্ৰাম সমিতিয়ে ৷ উল্লেখ্য যে, সোমবাৰে পশ্চিম বংগত অনুষ্ঠিত বিজেপিৰ এখন দলীয় সভাত ৰাষ্ট্ৰীয় সভাপতি জে.পি নাড্ডাই কৰ'ণাৰ বাবে কা প্ৰণয়ন কৰাত বিলম্ব হৈছে বুলি কোৱাকে ধৰি কেতবোৰ আপত্তিজনক মন্তব্য আগবঢ়াইছিল ৷ যাক লৈ মঙলবাৰে ৰাজ্যৰ ভিন্ন প্ৰান্তৰ দল-সংগঠন সৰৱ হৈ পৰিছে বিজেপিৰ বিৰুদ্ধে ৷
ধুবুৰী জিলা কৃষক মুক্তি আৰু ছাত্ৰ মুক্তি সংগ্ৰাম সমিতিয়ে সোমবাৰে ৩১ নং ৰাষ্ট্ৰীয় ঘাইপথত প্ৰধানমন্ত্ৰী নৰেন্দ্ৰ মোডীৰ প্ৰতিকৃতি দাহ কৰি কা’ কেতিয়াও মানি লোৱা নহ'ব বুলি হুংকাৰ প্ৰদান কৰে ৷ কা’ বাতিল নকৰিলে প্ৰয়োজনত প্ৰতিবাদ ইয়াতকৈয়ো অধিক তীব্ৰতৰ কৰি তোলাৰো সকীয়নি প্ৰদান কৰে সংগঠন কেইটাই ৷
লগতে পঢ়ক: মুখ্যমন্ত্ৰীৰ পুত্তলিকা দাহেৰে টীয়কত কৃষক মুক্তিৰ প্ৰতিবাদ
