ধেমাজি, 4 আগষ্টঃ ধেমাজিত 5 মাহে বন্ধ এটা অংগনবাড়ী কেন্দ্ৰ ৷ কেৱল কাগজে-পত্ৰই চলিছে কেন্দ্ৰটো ৷ শিশুৰ শিক্ষা জীৱনৰ আনুষ্ঠানিকতাৰ প্ৰথম ভেটি তথা প্ৰাক্ প্ৰাথমিক শিক্ষা গ্ৰহণ কৰে একোটা অংগনবাড়ী কেন্দ্ৰত ৷ কিন্তু আশ্চৰ্যজনকভাৱে বিগত 5 মাহে বন্ধ আছে ধেমাজিৰ 2 নং হাতীপৰা 13 অংগনবাড়ী কেন্দ্ৰটো ৷ প্ৰায় 15-20 জন ছাত্ৰ-ছাত্ৰী থকা কেন্দ্ৰটোত নাই কৰ্মী তথা সহায়িকা ৷ যাৰ বাবে স্থানীয় বাসিন্দাই কেন্দ্ৰটোৰ সন্মুখভাগত জমা কৰি ৰাখিছে খৰি ৷ আনহাতে, চৰকাৰৰ সমাজ কল্যাণ বিভাগটোৱে প্ৰকৃতাৰ্থত কাৰ কল্যাণৰ হকে কাম কৰিছে সেই ভয়াবহ ছৱি উন্মোচিত কৰিছে ধেমাজিৰ এই কেন্দ্ৰটোৱে ৷
5 মাহে বন্ধ এটি অংগনবাড়ী কেন্দ্ৰ
