ডিব্ৰুগড়/শিৱসাগৰ, ছেপ্টেম্বৰ: সোমবাৰে জনজাতিকৰণ আৰু স্বায়ত্ব শাসনৰ দাবীত সোণাৰিত উত্তাল প্ৰতিবাদ সাব্যস্ত কৰে টাই আহোম যুৱ পৰিষদ চমুকৈ টাইপাই(Tai Ahom Youth Council) । কেন্দ্ৰীয় কেবিনেটে 5 ৰাজ্যৰ 12 জনগোষ্ঠীক দিয়া জনজাতিৰ তালিকাত অসমৰ ছয় জনগোষ্ঠীৰ নাম নথকাৰ পাছতে এইদৰে প্ৰতিবাদ সাব্যস্ত কৰিছে দল-সংগঠন সমূহে (ST status to six communities of Assam) ৷
উল্লেখ যোগ্য যে অসমক বাদ দি ভাৰতবৰ্ষৰ কেইবাখনো ৰাজ্য ক্ৰমে- তামিলনাডু, উত্তৰ প্ৰদেশ, কৰ্ণাটক, হিমাচল প্ৰদেশ আৰু ছত্তীশগড়ৰ মুঠ বাৰটা জনগোষ্ঠীক জনজাতিৰ স্বীকৃতি দিবলৈ কেন্দ্ৰীয় চৰকাৰে সিদ্ধান্ত লোৱাৰ পিছতেই অসমত পুনৰ ক্ষোভ আৰু প্ৰতিবাদৰ উদ্গীৰণ ঘটিছে ৷ কাৰণ কেন্দ্ৰীয় কেবিনেটৰ এই সিদ্ধান্তৰ তালিকাত নাই অসমৰ ছয় জনগোষ্ঠীৰ নাম ৷
মনকৰিবলগীয়া যে, অসমৰ ছটাকৈ জনগোষ্ঠীয়ে বিগত সুদীৰ্ঘ সময়জুৰি জনজাতিকৰণৰ বাবে দাবী উত্থাপন কৰি আহিছে (Scheduling of six tribes) ৷ অথচ কেন্দ্ৰীয় চৰকাৰে এইবাৰো যি ৫ খন ৰাজ্যৰ ১২ টাকৈ জনগোষ্ঠীক জনজাতিকৰণৰ তালিকাত অন্তৰ্ভুক্ত কৰিলে তাত উল্লেখ নাথাকিল অসমৰ মৰাণ, মটক, চুতীয়া, কোচ-ৰাজবংশী, টাই-আহোম আৰু চাহ জনগোষ্ঠীৰ নাম ।
অসমৰ ছয় জনগোষ্ঠীক (Six tribes of Assam) জনজাতিৰ স্বীকৃতি প্ৰদান কৰাৰ ক্ষেত্ৰত চৰকাৰে কোনো ধৰণৰ গুৰুত্ব নিদিয়াত বিগত দিন ধৰি ক্ষোভিত হৈ পৰিছে জনগোষ্ঠীকেইটাৰ দল-সংগঠনসমূহ ।
তাৰেই সামন্তৰালকৈসোমবাৰে টাই আহোম সকলক জনজাতিকৰণ আৰু স্বায়ত্ব শাসনৰ দাবীত টাইপা চৰাইদেউ জিলা সমিতিয়ে হাতত লৈছিল জিলা উপায়ুক্তৰ কাৰ্যালয় ঘেৰাও কাৰ্যসূচী (TAYPA protest at Sonari) ৷ টাইপা চৰাইদেউ জিলা সমিতিয়ে নিজ কাৰ্যালয়ৰ পৰা সমদল উলিয়াই জিলা উপায়ুক্ত কাৰ্যালয়লৈ যোৱাৰ প্ৰস্তুতি চলাইছিল যদিও টাইপাৰ কাৰ্যালয়ৰ ভিতৰতে আবদ্ধ কৰি ৰাখে প্ৰতিবাদকাৰীসকলক (TAYPA protest rally blocked by police) ।
চৰাইদেউ জিলাত ১৪৪ "ধাৰাৰ দোহাই দি এইদৰে প্ৰতিবাদী কাৰ্যসূচীত আৰক্ষীয়ে বাধা প্ৰদান কৰাক লৈ ক্ষোভিত হৈ টাইপাৰৰ কৰ্মীসকলে সংগঠনটোৰ দাবী সম্বলিত দাবী পত্ৰ প্ৰতিবাদস্থলীতে প্ৰদান কৰে জিলা প্ৰশাসনক ৷ ফলত এক উত্তপ্ত পৰিস্থিতিৰ সৃষ্টি হয় (Tense situation at Sonari) ৷
লগতে পঢ়ক: Breaking News: উৎকোচ লৈ হাতে লোটে গ্ৰেপ্তাৰ ৰে’লৱে বিভাগৰ বিষয়া
